Այս պահին բանակցություններ են ընթանում. ՊՆ–ն մեկնաբանում է Իշխանասարի հետ կապված լուրերը

© Sputnik / Asatur YesayantsЗдание Министерство обороны Армении
Здание Министерство обороны Армении - Sputnik Արմենիա, 1920, 12.05.2021
Բաժանորդագրվեք
Yandex newsTelegram
Հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են աշխատանքները։

ԵՐԵՎԱՆ, 12 մայիսի – Sputnik. Մայիսի 12-ի վաղ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։ Տեղեկությունը հայտնում է ՀՀ պաշտպանության նախարարությունը։

«Հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։ Այս պահին ընթանում են բանակցություններ՝ ստեղծված իրավիճակը հարթելու ուղղությամբ»,– նշված է հաղորդագրության մեջ։

ՊՆ–ն վստահեցնում է, որ «Իշխանասարի ուղղությամբ ընթացող մարտերի մասին» մամուլում տարածվող տեղեկությունները չեն համապատասխանում իրականությանը. նման զարգացումների դեպքում պաշտպանության նախարարությունն առաջինը հանդես կգար հայտարարությամբ։

Жители села Неркин Хндзореск Сюникской области показывают на азербайджанский пост  - Sputnik Արմենիա, 1920, 05.05.2021
Կան տեղեր, որ մերոնք 50 մետր առաջ են. նախարարի պաշտոնակատարը` Սյունիքի սահմանի մասին

Գերատեսչությունը հորդորում է ձեռնպահ մնալ չճշտված, առավել ևս խուճապ տարածող տեղեկություններ հրապարակելուց:

Նշենք, որ լրատվամիջոցներում ու սոցկայքերում լուրեր են տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել է, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

 

Լրահոս
0