Սյունիքում ադրբեջանական զինվորներին նկատել է հովիվը, որին հետո սպառնացել են. Արման Թաթոյան

© Photo : Facebook / Arman Tatoyan Омбудсмен Арман Татоян во время рабочего визита в Сюникскую область (8 января 2021). Сюник
Омбудсмен Арман Татоян во время рабочего визита в Сюникскую область (8 января 2021). Сюник - Sputnik Արմենիա, 1920, 12.05.2021
Բաժանորդագրվեք
НовостиTelegram
Այս ամենը մեկ անգամ հաստատում է, որ Սյունիքի շուրջ պետք է հրատապ կարգով ստեղծվի անվտանգության գոտի, իսկ ճանապարհներին գտնվող ադրբեջանական զինվորականները, նրանց դրոշներն ու ցուցանակները պետք է հեռացվեն:

ԵՐԵՎԱՆ, 12 մայիսի- Sputnik. Սյունիքում ադրբեջանական զինվորականներին նկատել է Գորիս համայնքի Վերիշեն գյուղի հովիվն իր մակատեղիից, որտեղ պահվում են կենդանիներ: Տեղեկությունը հայտնում է ՀՀ մարդու իրավունքների պաշտպան Արման Թաթոյանը` անդրադառնալով այսօր Սյունիքում տեղի ունեցած դեպքերին։

Այսօր լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։ ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։

И.о премьер-министра Никол Пашинян проводит заседание Совета безопасности (12 мая 2021). Еревaн - Sputnik Արմենիա, 1920, 12.05.2021
Նիկոլ Փաշինյանն Անվտանգության խորհրդի նիստ է հրավիրել

«Ահազանգերով նշվել է, որ հովվի մակատեղին գտնվում է բնակիչների կողմից օգտագործվող արոտավայրի տարածքում՝ Սև լճից դեպի Վերիշեն բնակավայրն ընկած տարածքում. Սև լիճը գտնվում է ՀՀ տարածքում: Ըստ ահազանգերի՝ ադրբեջանական զինվորականները զենքի ցուցադրումով սպառնացել են Վերիշենի հովիվին»,–նշվածէ ՄԻՊ–ի ֆեյսբուքյան էջում տարածված հաղորդագրության մեջ։

Դրանից բացի, ինչպես սահմանային բնակիչները, այնպես էլ համայնքային մարմինները Թաթոյանին վստահեցրել են, որ Սև լիճն իրեն հարող արոտավայրերով խորհրդային տարիներից սկսած` գտնվել է Հայաստանի տարածքում: Բնակիչների ու համայնքային մարմինների գնահատմամբ՝ ադրբեջանական զինվորականները Սև լճից անգամ առաջացել են մի քանի կիլոմետր քաղաքացիական բնակավայրերի ուղղությամբ և տեղակայվել այդ վայրերում:

Զինվորականի փորձով Սյունիքի մարզպետը չէր կարող ասել, որ թշնամին մոլորվել է. մարզպետարան

Մարդու իրավունքների պաշտպանի ուսումնասիրությունները հաստատում են, որ Սև լճին հարակից վայրերն անփոխարինելի նշանակություն ունեն սահմանային բնակավայրերի բնակիչների համար: Հարցն այն է, որ այդ տարածքներն օգտագործվում են որպես արոտավայրեր, ինչպես նաև այդ վայրերից են գոյանում հարակից համայնքների խմելու և ոռոգման ջրային պաշարները:

Խոսքը մասնավորապես Տեղ, Սիսիան, Գորիս համայնքների, այդ համայնքների Խնածաղ, Վաղատուր, Խոզնավար, Վերիշեն և մյուս բնակավայրերի մասին է:

Приветственная речь нового губернатора Сюника Меликсета Погосяна сотрудникам муниципалитета (11 декабря 2020). Капан - Sputnik Արմենիա, 1920, 12.05.2021
Ադրբեջանցիները մտածված են եկել, իսկ հիմա պետք է գնան իրենց տեղերը. Սյունիքի մարզպետ

Թաթոյանն արձանագրում է, որ ադրբեջանական զինված ուժերի ծառայողների այս արարքները կոպտորեն խախտում են ՀՀ սահմանային բնակիչների իրավունքները, ունեն նրանց ահաբեկելու նպատակ: Ադրբեջանական զինվորականների արարքները բացահայտ սարդանք են ՀՀ բնակչության նկատմամբ:

Նշվում է նաև, որ մարդու իրավունքների պաշտպանն այս հայտարարությունը կուղարկի միջազգային մարմիններին՝ արձանագրելով, որ այս ամենը մեկ անգամ հաստատում է, որ Սյունիքի շուրջ պետք է հրատապ կարգով ստեղծվի անվտանգության գոտի, իսկ ճանապարհներին գտնվող ադրբեջանական զինվորականները, նրանց դրոշներն ու ցուցանակները պետք է հեռացվեն:

Հիշեցնենք` լրատվամիջոցներում ու սոցկայքերում լուրեր էին տարածվել, թե Սյունիքի մարզի Իշխանասար գյուղի հատվածում թշնամին մարտական գործողություններ է սկսել։

Գորիսի փոխհամայնքապետ Իրինա Յոլյանը Facebook-ում գրել էր, որ թշնամին Իշխանասարի հատվածում պետական սահմանն անցել է և ևս երեք կիլոմետր առաջ եկել դեպի Վերիշեն բնակավայր։

«Հրամանատարն ասաց, որ Ադրբեջանը որևէ ոտնձգություն չի արել». Թագուհի Թովմասյան

ՀՀ ՊՆ մամուլի ծառայությունն էլ հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Լրահոս
0