ԵՐԵՎԱՆ, 13 մայիսի - Sputnik. Գեղարքունիքի մարզում սահմանագծի փոփոխությունից հետո եղանակի պատճառով հակառակորդը որոշ հատվածներում տեղակայման գործընթաց չէր իրականացրել, այժմ եղանակի փոփոխությունից հետո տեղակայվում են։
Այսօր կառավարության նիստից առաջ լրագրողների հետ ճեպազրույցում ասաց Գեղարքունիքի մարզպետ Գնել Սանոսյանը` մեկնաբանելով մարզի ահմաններին հակառակորդի առաջխաղացման մասին երեկ տարածված լուրերը։
«ՀՀ պետական սահմանը պահպանվել է, մեկ–երկու լանջով ընդամենը սահմանագիծ կար, որը մերոնք պնդում էին, որ այդ հատվածում չէ, մի քիչ պիտի հետ նստեն, որն ընթացքում կարգավորվեց»,– ասաց Սանոսյանը։
Նա վստահեցրեց, որ մարզում այս պահին սահմանների հետ կապված խնդիր չկա, իրավիճակը Սյունիքի հետ համեմատելի չէ, իսկ բնակիչների անհանգստությունը, ըստ մարզպետի, ավելի շատ տարածվող կեղծ լուրերի հետևանք է։
«Ես երեկ մի քանի ժամ եղել եմ Վերին Շորժայում, հեց այդ հատվածում, որտեղ այդ աշխատանքներն են տարվում։ Մեր զինված ուժերը ներկա են, քարտզները կան։ Սա այն նույն պրոցեսն է, որը կար նոյեմբեր–դեկտեմբերին»,– ասաց Սանոսյանը։
Գեղարքունիքի մարզում թշնամու առաջխաղացման լուրը չի համապատասխանում իրականությանը. մարզպետ
Հիշեցնենք` մայիսի 12-ին հայտնի դարձավ, որ Սյունիքի մարզի Իշխանասար գյուղի հատվածում թշնամին ավելի քան 3 կմ մտել է Հայաստանի Հանրապետության տարածք։
Դրանից հետո տեղեկություն տարածվեց, որ ադրբեջանցիներն առաջ են եկել նաև Վարդենիսի տարածաշրջանի որոշ հատվածներում, մասնավորապես՝ Վերին Շորժայի մոտակայքում։ Լուրը, սակայն հերքվեց Գեղարքունիքի մարզպետի կողմից։
Մայիսի 12-ի ուշ երեկոյան ՀՀ վարչապետի պաշտոնակատար Նիկոլ Փաշինյանը Սյունիքի մարզի Սև լիճ տեղանքում ստեղծված իրավիճակի հարցով հրավիրված Անվտանգության խորհրդի արտահերթ նիստում հայտարարել էր, որ «իրավիճակն առնվազն մերձճգնաժամային է, եթե չասենք ճգնաժամային»։
Վաղարշակ Հարությունյանն ու Սերգեյ Շոյգուն հեռախոսազրույց են ունեցել. ինչ հարց է քննարկվել
