«Ջրագիծը վթարվել էր». Սիսիանի զանգվածային թունավորման հնարավոր պատճառը ջուրն է

© Sputnik / Asatur YesayantsКоридор в медцентре "Норк-Мараш"
Коридор в медцентре Норк-Мараш - Sputnik Արմենիա, 1920, 13.05.2021
Բաժանորդագրվեք
Ջրագծի վթարն արդեն վերացվել է, իսկ վերջին օրվա ընթացքում միայն մեկ մարդ է հիվանդանոց տեղափոխվել։

ԵՐԵՎԱՆ, 13 մայիսի- Sputnik. Սյունիքի մարզի Սիսիան համայնքում արձանագրված աղիքային վարակիչ հիվանդությունների դեպքերի բռնկման հավանական պատճառ դիտարկվում է ջրային գործոնը: Տեղեկությունը հայտնում է ՀՀ առողջապահության նախարարությունը։

Территория родника Сарнахбюр - Sputnik Արմենիա, 1920, 12.05.2021
«Ոնց որ ադրբեջանցիները գան, Սիսիանի կենտրոնում ապրեն». ջուրը թունավորելը բացառվո՞ւմ է

Առողջապահության նախարարությունը երեկ հայտնել էր, որ Սիսիան համայնքում արձանագրվել է աղիքային վարակներին բնորոշ ախտանշաններով 296 դեպք (դեպքերից 281-ը մինչև 18 տարեկան են, իսկ 15-ը՝ մեծահասակ): Լուրեր էին շրջանառվում, որ ադրբեջանցիները թունավորել են մեր աղբյուրներից մեկը։ Սիսիանի ԲԿ–ի տնօրեն Անի Գրիգորյանը Sputnik Արմենիայի հետ զրույցում հերքել էր այդ լուրերը` ասելով, որ մեր ջրի ակունքները Շաքիում են գտնվում (Շաքին հեռու է ադրբեջանական վերահսկողության ներքո գտնվող տարածքներից-խմբ)։

«Համաճարակաբանական հետազոտությունների ընթացքում պարզվել է, որ դեպքերին նախորդել է բնակավայրի ջրամատակարարման համակարգի՝ մասնավորապես ջրագծի վթար, համակարգում ճնշման տատանումներ, ինչպես նաև տեղացող հորդառատ անձրև»,–նշված է հաղորդագրության մեջ։

Իրականացված վերականգնողական աշխատանքների արդյունքում վթարը վերացվել է, իսկ ջրի ախտահանումն իրականացվում է բնականոն ընթացքով՝ պահանջներին համապատասխան:

Տավուշի մարզում թունավորումից մահացած 11-ամյա աղջկա դեպքով քրգործ է հարուցվել

Սիսիանի ԲԿ–ի տնօրեն Անի Գրիգորյանը Sputnik Արմենիայի հետ զրույցում նշեց` այսօր թունավորման գանգատներով միայն մեկ մարդ է հիվանդանոց տեղափոխվել։ «Մեկ մեծահասակ է նույն գանգատները (փսխում, լուծ, թուլություն և ջերմաստիճանի բարձրացում մինչև 38°C) մեզ մոտ տեղափոխվել։ Այս պահին հիվանդանոցում են գտնվում ևս 5 փոքրիկ»,–ասաց Գրիգորյանը։

Նա հայտնեց, որ հիվանդությունը մարում է գնում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала