էկոնոմիկայի նախարարությունը քննարկում է գյուղոլորտի համար գազի սակագնի նվազեցման հարցը

© Sputnik / Asatur YesayantsՍտեվիա
Ստեվիա  - Sputnik Արմենիա, 1920, 14.05.2021
Բաժանորդագրվեք
Վահան Քերոբյանը տնտեսվարողներին հայտնել է, որ կառավարությունը քայլեր է ձեռնարկվում հարկային քաղաքականությունը վերանայելու ուղղությամբ։

ԵՐԵՎԱՆ, 14 մայիսի- Sputnik. ՀՀ էկոնոմիկայի նախարարությունում քննարկում են գյուղոլորտի վերամշակող ընկերությունների համար գազի սակագինը նվազեցնելու հարցը։

Ինչպես հայտնում են նախարարության Տեղեկատվության և հասարակայնության հետ կապերի վարչությունից, հարցը բարձրացվել է նախարարի պաշտոնակատար Վահան Քերոբյանի` պտուղ-բանջարեղեն վերամշակող մի շարք ընկերությունների ներկայացուցիչների հետ հանդիպմանը։

Временно проживающие в селе Кармир Шука супруги из Тагаварда Славик и Аревик Кочаряны - Sputnik Արմենիա, 1920, 13.05.2021
«Ամուսինս սահմանից տեսել է մեր տունը». թաղավարդցու կյանքը` գյուղը փշալարով կիսելուց հետո

Քննարկման ժամանակ ընդգծվել է, որ գազի սակագինը զգալի նշանակություն ունի ինքնարժեքի ձևավորման մեջ և առաջարկություն է արվել վերանայել ու նվազեցնել այն  վերամշակող տնտեսավարողների համար։ 

Արտադրողները մտահոգություն են հայտնել նաև գյուղատնտեսական արտադրանքի իրացման ԱԱՀ-ի առնչությամբ` նշելով, որ դրա վերանայումը ևս էապես կնպաստի շուկայում տեղական արտադրանքի  մրցունակության բարձրացմանը։

Վահան Քերոբյանը տնտեսվարողներին հայտնել է, որ կառավարությունը քայլեր է ձեռնարկվում հարկային քաղաքականությունը վերանայելու ուղղությամբ։

Քննարկվել է նաև առաջիկայում մթերումների գործընթացը սահուն կազմակերպելու հարցը։ Տնտեսվարողներն առաջարկել են վերանայել ու հնարավորինս պարզեցնել  մթերումների նպատակով ագրովերամշակման ոլորտին տրամադրվող վարկերի տոկոսադրույքների սուբսիդավորման ծրագիրը։

Sputnik Արմենիան օրերս անդրադարձել էր Հայաստանի գյուղոլորտում առկա իրավիճակին։

Էկոնոմիկայի նախարարությունում շատ անհանգստացած են գների աճով

Մասնավորապես` կանաչեղեն աճեցնող գյուղացիներն այս տարի 1 կապն անգամ 30 դրամով չեն կարողացել իրացնել։ Պատճառը ոչ միայն բերքի արտահանման հետ կապված խնդիրներն են, այլև այն, որ իրանական էժան կանաչին այսօր ողողել է հայկական շուկան։

Գյուղացիները մտավախություն են հայտնում, որ առաջիկայում նույն  խնդիրին են բախվելու նաև վարունգի ու լոլիկի բերքի դեպքում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала