Իրավիճակից խաղաղ դուրս գալու հնարավորություններ դեռ կան. Մարուքյան

© Sputnik / Asatur YesayantsРуководитель фракции "Просвещенная Армения" Эдмон Марукян на заседании парламента Армении (15 января 2019). Еревaн
Руководитель фракции Просвещенная Армения Эдмон Марукян на заседании парламента Армении (15 января 2019). Еревaн - Sputnik Արմենիա, 1920, 14.05.2021
«Լուսավոր Հայաստան» խմբակցության ղեկավար Էդմոն Մարուքյանն ԱԺ-ում նշել է, որ եթե հայ-ադրբեջանական սահմանին տեղի ունեցող զարգացումների շուրջ բանակցություններն արդյունք չտան՝ այն կվերաճի ռազմական կոնֆլիկտի։

ԵՐԵՎԱՆ, 14 մայիսի - Sputnik. Երկիրը հայտնվել է ճգնաժամի մեջ, որից դուրս գալու լուծման ճանապարհները շատ չեն։ Այսօր ԱԺ արտահերթ նիստում նման կարծիք հայտնեց «Լուսավոր Հայաստան» խմբակցության ղեկավար Էդմոն Մարուքյանը։

Депутат от фракции Мой шаг Рубинян Рубен на внеочередном заседании парламента (9 июля 2019). Еревaн - Sputnik Արմենիա, 1920, 14.05.2021
Պատրաստ ենք նաև այլ սցենարների. Ռուբինյանը` հայ-ադրբեջանական սահմանային լարվածության մասին

«Իրավիճակից խաղաղ դուրս գալու հնարավորություններ դեռ կան թե՛ ՀԱՊԿ կառույցի շրջանակում, թե՛ միջազգային գործընկերների միջոցով ճնշումն ավելացնելու առումով, բայց, եթե բանակցություններն արդյունք չտան, բնականաբար այն վերաճելու է ռազմական կոնֆլիկտի, ուժի կիրառման, ուրիշ ելք չի կարող լինել»,- ասաց նա։

Նրա խոսքով` սա ոչ ինչ-որ քարտեզների, ոչ էլ Խծաբերդի պատմությունը չէ, այն տարբերվում է մինչ այս եղած իրավիճակներից, ինչ արդեն իսկ ամրագրվել է Հայաստանի միջազգային գործընկերների կողմից`Ադրբեջանը սպառնում է Հայաստանի տարածքային ամբողջականությանը, և այդ սպառնալիքը պետք է վերացնել։

«Ադրբեջանական կողմը մի քայլ է արել, հիմա չգիտի` ինչպես հետ գնա։ Ավելի լավ է ասեն` խառնել են քարտեզները ու հետ գնան, որովհետև ակնհայտ բոլորի ազդակը նույնն է, որ ադրբեջանցիները խախտել են ՀՀ տարածքային ամբողջականությունը»,- նշեց Մարուքյանը։

Հայաստանը կասեցնելու է Ադրբեջանի ռազմական ագրեսիան. ԱԺ–ն հայտարարություն ընդունեց

Խմբակցության ղեկավարի կարծիքով քանի դեռ Ադրբեջանի նախագահ Իլհամ Ալիևը էյֆորիայի մեջ ընկած կարծում է, թե ինքը մարսել է Արցախի որոշ տարածքների օկուպացիան, պատերազմական հանցագործությունները, գլխատումները և այն ամենը, ինչի համար միջազգային քրեական իրավունքով կարող է դատապարտվել և մեկը մյուսի հետևից սխալներ թույլ տալ ու չկատարել նոյեմբերի 9-ի հայտարարությամբ ամրագրված կետերը`հայկական կողմը պետք է փորձի օգուտ քաղել դրանից և պատժել Բաքվի բռնապետին։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Билборд с надписью Добро пожаловать в Азербайджан на дороге Горис-Капан в Сюникской области - Sputnik Արմենիա, 1920, 14.05.2021
Ի՞նչ կանի ՀԱՊԿ-ը, կամ հայրենիքի վտանգի դեպքում պետք է օգտագործել բոլոր հնարավորությունները

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала