ԵՐԵՎԱՆ, 16 մայիսի – Sputnik. Անգլիայի Քենթ կոմսության արքայադուստր Միշելի մոտ AstraZeneca (Vaxzevria) դեղամիջոցով կորոնավիրուսի դեմ պատվաստվելուց հետո թրոմբներ են առաջացել։ Տեղեկությունը հայտնում է The Sun–ը` հղում անելով սեփական աղբյուրին։
Նշվում է, որ պատվաստվածների մոտ թրոմբագոյացման պատճառը կարող է լինել արտադրական սխալը, անհատական ռեակցիան կամ պաթոլոգիաների նկատմամբ հակվածությունը:
Նշվում է նաև, որ արքայադուստրը դիմել է բժիշկների օգնությանը։ Արդեն մեկ ամիս է նա բուժում է ստանում տանը։
«Բոլորի համար անհանգիստ ժամանակներ էին։ Արքայադստեր կողքին եղած մարդկանց համար ծանր էր տեսնել նրա տառապանքները։ Նա իսկապես անցավ այդ ամենի միջով», – պատվաստման հետևանքները մեկնաբանելով` հայտարարել է արքայադստերը մոտ կանգնած աղբյուրը։
Անցած տարվա նոյեմբերին Քենթի արքայադուստրը վարակվել էր կորոնավիրուսով։ Դրանից հետո նա ինքնամեկուսացել էր Արևմտյան Լոնդոնում գտնվող Քենսինգթոնյան պալատի իր տանը։
Վահան Քերոբյանը պատվաստվել է կորոնավիրուսի դեմ
Ապրիլի 23-ին Դեղամիջոցների եվրոպական գործակալությունը (ЕМА) հայտարարեց, որ դեռ չեն կարողացել պարզել ադենովիրուսային դեղամիջոցներով (որոնց շարքին են պատկանում AstraZeneca և Jonhson & Jonhson պատվաստանյութերը) կորոնավիրուսի դեմ պատվաստումներից հետո թրոմբոզների զարգացման պատճառները։
