ԵՊՀ ուսխորհուրդը հրաժարվում է հոգաբարձուների խորհրդի ձևավորմանը մասնակցելուց

© Sputnik / Andranik GhazaryanПамятник Месропу Маштоцу и Сааку Партеву перед зданием Ереванского государственного университета
Памятник Месропу Маштоцу и Сааку Партеву перед зданием Ереванского государственного университета - Sputnik Արմենիա, 1920, 19.05.2021
Բաժանորդագրվեք
ԵՊՀ ուսանողական խորհուրդը հայտարարություն է տարածել` մանրամասնելով, թե ինչու է որոշել չմասնակցել հոգաբարձուների խորհրդի ձևավորմանը։

ԵՐԵՎԱՆ, 19 մայիսի- Sputnik. ԵՊՀ ուսանողական խորհուրդը հայտարարություն է տարածել՝ հայտնելով, որ հրաժարվում է մասնակցել ԵՊՀ հոգաբարձուների խորհրդի ձևավորման գործընթացին՝ այն որակելով ապօրինի: Տեղեկությունը հայտնում է ԵՊՀ մամուլի ծառայությունը։

Сероб Хачатрян - Sputnik Արմենիա, 1920, 25.04.2021
ՌԱԴԻՈ
ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան

ԵՊՀ ուսանողական խորհուրդը նշում է, որ կառավարության մայիսի 4-ի 704-Ն որոշման իրագործման համար (սահմանվում էր բուհի կառավարման խորհրդի կազմի ձևավորման նոր բանաձև) ԿԳՄՍՆ-ն հակասահմանադրական և հակաօրինական քայլեր է անում։ Այդ մասին նաև ԵՊՀ գիտական խորհուրդն էր մայիսի 6-ին հայտարարություն տարածել։

Բացի այդ, ԵՊՀ ուսանողական խորհուրդը նման որոշում է կայացրել` հաշվի առնելով այն հանգամանքը, որ կառավարության որոշումը ԵՊՀ գիտխորհրդի դիմումի հիման վրա ՀՀ մարդու իրավունքների պաշտպանը վիճարկել է Սահմանադրական դատարանում։

«Հաշվի առնելով կառավարության որոշմամբ սահմանված գործընթացի հակաօրինականությունը՝ պայմանավորված ԵՊՀ հոգաբարձուների խորհրդի գործող անդամների լիազորությունների դադարեցման հիմքերի բացակայությամբ, հրաժարվում ենք մասնակցել նշված որոշման հիման վրա ԵՊՀ հոգաբարձուների խորհրդի ձևավորման ապօրինի գործընթացին»,–նշված է հաղորդագրության մեջ։

ԵՊՀ-ն այս պահին շատ ավելի վատ վիճակում է, քան մինչև հեղափոխությունը. Սերոբ Խաչատրյան

Հիշեցնենք, որ ըստ կառավարության ընդունած որոշման` հաստատվել է պետական բուհերի կառավարման խորհուրդների ձևավորման կարգը փոփոխելու վերաբերյալ նախագիծը։ Այսպիսով, կառավարման խորհուրդների անդամների թիվը 32-ից հասցվել է 20-ի, որից 55 տոկոսին նշանակելու է կառավարությունը, 10 տոկոսին՝ ԿԳՄՍ-ն, հաջորդ 10 տոկոսին՝ բուհի պրոֆեսորադասախոսական կազմը, իսկ վերջին 25 տոկոսին էլ՝ ուսանողական կազմը։

Նշենք նաև, որ ԵՊՀ նախկին ռեկտոր Արամ Սիմոնյանը հրաժարական էր տվել 2019-ի մայիսի 23–ին։ Դրանից շուրջ մեկ շաբաթ անց` մայիսի 30-ին, ԵՊՀ հոգաբարձուների խորհրդի նիստում ռեկտորի ԺՊ է ընտրվել Գեղամ Գևորգյանը։

ԵՊՀ ռեկտորի` 2020-ի մարտի 23-ին նախատեսված ընտրությունը չկայացավ երկրում կորոնավիրուսով պայմանավորված արտակարգ դրություն սահմանելու պատճառով։

Վերջին շրջանում ԵՊՀ հոգաբարձուների նիստերը տապալվում են քվորում չլինելու պատճառով։

Պարզ ստախոսություն. Էմին–Տերյանը` ԵՊՀ հոգաբարձուների խորհրդի անդամների գործելաոճի մասին

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала