Фон для радио  - Sputnik Արմենիա, 1920
ՌԱԴԻՈ

Արցախը պետք է վեր լինի բոլոր շահարկումներից. Դավիթ Բաբայանը` աղմկահարույց փաստաթղթի մասին

© Sputnik / Aram NersesyanМинистр иностранных дел НКР Давид Бабаян
Министр иностранных дел НКР Давид Бабаян - Sputnik Արմենիա, 1920, 22.05.2021
Բաժանորդագրվեք
Արցախի արտաքին գործերի նախարար Դավիթ Բաբայանը Sputnik Արմենիայի եթերում խոսել է Ադրբեջանի հետ բանակցելու անհրաժեշտության մասին։
«Արցախն Ադրբեջանի կազմում չպետք է ճանաչի որևէ հայ քաղաքական գործիչ, առավելևս ղեկավար». Բաբայան

Ժամանակը ցույց կտա, թե ինչ կտա նոր փաստաթղթի ստորագրումը Հայաստանին և Արցախին։ Sputnik Արմենիայի հետ զրույցում նման կարծիք հայտնեց Արցախի ԱԳՆ Դավիթ Բաբայանը`անդրադառնալով մեծ աղմուկ բարձրացրած նոր փաստաթղթին, որը պատրաստվում է ստորագրել ՀՀ վարչապետի պաշտոնակատար Նիկոլ Փաշինյանը։

«Ադրբեջանի հետ մենք ունենք լուրջ խնդիրներ, և սա երկարատև բանակցությունների խնդիր պետք է լինի։ Կրկնում եմ` սահմանները, Արցախը, Արցախի կարգավիճակը, գրավված տարածքները, դրանց կարգավիճակը այդ բոլորը խնդիրներ են, որոնք ժամանակ են պահանջում»,- ասաց նա։

Նոր փաստաթուղթը վտանգո՞ւմ է արդյոք Արցախի հետագա գոյությունը։ Բաբայանը դժվարանում է պատասխանել այս հարցին, փոխարենը նրա մտքով անգամ չի կարող անցնել, որ երբևէ կգտնվի այնպիսի քաղաքական գործիչ, առավել ևս առաջնորդ, որ Արցախն ու օկուպացված տարածքները կճանաչի Ադրբեջանի մաս։

Серж Саргсян и Артур Ванецян во время церемонии подписания меморандума предвыборного блока Честь имеем (16 мая 2021). Еревaн - Sputnik Արմենիա, 1920, 21.05.2021
Աղմկահարույց փաստաթուղթը հավելված չունի՞. «Պատիվ ունեմ»–ի անդամները խոսել են Այվազյանի հետ

«Արցախը պետք է վեր լինի բոլոր շահարկումներից»,- նշեց Արցախի արտգործնախարարը։

Նրա կարծիքով` միաժամանակ պետք է չափազանց զգուշավոր լինել. չպետք է մոռանալ, որ Ադրբեջանն այսօր նույնիսկ նոյեմբերի 9-ի փաստաթղթով ստանձնած պարտականությունները չի կատարում։

«Տեսնում եք` ինչպիսի քաղաքականություն է վարում գերիների նկատմամբ, ինչպիսի մշակութային քաղաքականություն է իրականացնում «գրավված» տարածքներում հայկականությունը ոչնչացնելու հարցում։ Այդ ամենը փաստում է` ով է Ադրբեջանը»,- հավելեց Բաբայանը։

Հիշեցնենք, որ ՀՀ երրորդ նախագահ Սերժ Սարգսյանի փեսան` Վատիկանում ՀՀ նախկին դեսպան Միքայել Մինասյանը, մայիսի 19–ին Facebook–ում գրել էր, որ ավարտվել է Հայաստանի և Ադրբեջանի միջև կնքվելիք նոր հայտարարության փաստաթղթի ձևակերպման աշխատանքը։

Секретарь Совета безопасности Армении Армен Григорян во время интервью агентству Sputnik Армения - Sputnik Արմենիա, 1920, 20.05.2021
Մինչև նոր փաստաթղթի քննարկումները ադրբեջանցիները պետք է լքեն ՀՀ տարածքը. Արմեն Գրիգորյան

Նրա խոսքով` այդ փաստաթղթում դիվանագիտորեն, գեղեցիկ ձևակերպումներով, ըստ էության, ձևակերպվում է նոր դեմարկացիան՝ Հայաստանի համար աղետալի հետևանքներով։

Ըստ Մինասյանի` դեմարկացիան հիմնված է լինելու երեք սկզբունքի հիման վրա՝ ԽՍՀՄ քարտեզների, աշխարհագրական նպատակահարմարության և այդ պահին եղած իրական պատկերի։ Սրա հետևանքով, ըստ նրա, Նիկոլ Փաշինյանը քննարկման առարկա է դարձրել Տավուշի մարզի 5 գյուղերը և Արարատի մարզի մեկ գյուղն Ադրբեջանին հանձնելը։

Իսկ մայիսի 20–ին կառավարության նիստում ՀՀ վարչապետի պաշտոնակատար Նիկոլ Փաշինյանը ոչ միայն չժխտեց, որ նման փաստաթուղթ գոյություն ունի, այլև հայտարարեց, որ պատրաստվում է ստորագրել այն։

Փաշինյանը վստահեցրեց, սակայն, որ չկա և չի կարող լինել ոչ մի գաղտնի հավելված։ Նա նշեց` փաստաթղթի վերևի հատվածում գրված է «Հավելված», քանի որ դա կա՛մ վրիպակ է` պետք է գրված լիներ «Նախագիծ», կա՛մ էլ դա առաջարկ է` այն դիտարկել որպես նոյեմբերի 9-ի հայտարարության հավելված։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала