«Լուսավոր Հայաստանն» առաջարկում է Սյունիքում ռուսական զորամիավորում ստեղծել

© Sputnik / Andranik GhazaryanВыступление Геворга Горгисяна во время заседания партии "Просвещенная Армения" (23 мая 2021). Еревaн
Выступление Геворга Горгисяна во время заседания партии Просвещенная Армения (23 мая 2021). Еревaн - Sputnik Արմենիա, 1920, 23.05.2021
Կուսակցությունը խոստանում է ստեղծել Արցախյան 44-օրյա պատերազմն ուսումնասիրող հանձնաժողով։

ԵՐԵՎԱՆ, 23 մայիսի - Sputnik. Թուրք-ադրբեջանական նոր սպառնալիքներին դիմակայելու համար «Լուսավոր Հայաստանն» առաջարկում է ընդլայնել Ռուսաստանի Դաշնության հետ անվտանգային համաձայնագիրը և Սյունիքում նոր զորամիավորում ստեղծել։ Այսօր կուսակցության երրորդ համագումարում նախընտրական ծրագիրը ներկայացրեց ԱԺ «Լուսավոր Հայաստան» խմբակցության պատգամավոր Գևորգ Գորգիսյանը։

Выступление Эдмона Марукяна во время заседания партии Просвещенная Армения (23 мая 2021). Еревaн - Sputnik Արմենիա, 1920, 23.05.2021
Չեն կարող ինքնաձիգը մեր գլխին դնել ու ասել՝ եկեք քննարկենք ով որտեղ է կանգնելու. Մարուքյան

«Վերանայել ռազմական դոկտրինը, արդիականացնել և վերազինել բանակը, ամրացնել և նորագույն տեխնոլոգիաներով կառուցապատել նոր ձևավորված պետական սահմանը, սահմանը պահպանել միայն պրոֆեսիոնալ զինծառայողներով»,- շարունակելով երկրի անվտանգությունն ապահովելուն ուղղված կուսակցության ծրագրի ներկայացումը՝ նշեց Գորգիսյանը։

«Լուսավոր Հայաստանը» կարծում է, որ Արցախյան հակամարտության հայանպաստ լուծման համար անհրաժեշտ է ակտիվացնել ԵԱՀԿ Մինսկի խմբի համանախագահների աշխատանքները։ Պատրաստակամ են գործուն քայլեր անել Արցախի բռնազավթված տարածքների վերադարձի համար։ Հետևողական են լինելու, որ Ադրբեջանի ռազմաքաղաքական ղեկավարությունը պատասխանատվության ենթարկվի պատերազմական հանցագործությունների համար։

Հանրային համերաշխության և արդարության վերականգնման համար «Լուսավոր Հայաստանը» խոստանում է՝ ստեղծելու են Արցախյան 44-օրյա պատերազմն ուսումնասիրող հանձնաժողով։ Անելու են ամեն ինչ, որ պատերազմում զոհված և վիրավորված զինծառայողների ընտանիքների սոցիալական կարիքները բավարարեն։

ԼՀԿ-ն առաջարկում է փոխել Սահմանադրությունը, ընդլայնել նախագահի և ԱԺ-ի լիազորությունները

Հիշեցնեք, որ Հայաստանում խորհրդարանական արտահերթ ընտրությունների օր է նշանակված հունիսի 20-ը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала