ՀՀ Լոռու մարզում ԱԹՍ–ների փորձարկման համար նոր թռիչքուղի է կառուցվում։ Նախագծի կազմակերպիչ, Կարեն Վարդանյանի հիշատակի հիմնադրամի հոգաբարձուների խորհրդի նախագահ Ավետիք Քերոբյանը նշում է, որ այստեղ կփորձարկվեն թե՛ ուսումնական, թե՛ պրոֆեսիոնալ մոդելներ (ռազմական ԱԹՍ–ները, բնականաբար, փորձարկվում են այլ տեղում, որի մասին մանրամասներն ավելորդ են)։
Թռիչքուղին կգործի Վանաձորին մոտ գտնվող Լեռնապատ գյուղում։ Այդ վայրն ընտրվել է երկու պատճառով` առաջին` գյուղի մոտ տեղանքը հարմար է (կա և՛ բաց տարածք, և՛ անտառներ, և՛ կիրճ, և՛ ավտոճանապարհ), ուստի ԱԹՍ–ներն իրենց «կդրսևորեն» տարբեր պայմաններում, և երկրորդ` նոր կենտրոնը միտումնավոր չի կառուցվում Երևանում կամ դրա մերձակայքում, քանի որ Առաջատար տեխնոլոգիաների ձեռնարկությունների միության (որի նախագահն էր լուսահոգի Կարեն Վարդանյանը) նպատակներից մեկը Հայաստանի տեխնոլոգիական զարգացման հետ միասին` նաև հայրենաճանաչությունն ու մարզերի զարգացումն է։
Կենտրոնում կտեղադրվեն նաև արհեստանոցներ ԱԹՍ–ների նախաթռիչքային պատրաստության համար։
Էլի վատ չէ. հայ գիտնականներն ԱԹՍ–ից «չվախեցող» ներկ են ստեղծել
Մեկ այլ ծրագրով Արմաթ ինժեներական լաբորատորիաների շրջանակում կստեղծվեն մասնագիտացված ԱԹՍ լաբորատորիաներ 15-18 տարեկան պատանիների ու երիտասարդների համար։ Այստեղ կդասավանդվեն ավելի խորը ինժեներական գիտելիքներ, որոնք անհրաժեշտ են ԱԹՍ–ներ նախագծելու և կառավարելու համար։
Այս ամենի հեռահար նպատակն է պատրաստել մեծ թվով մասնագետներ, որոնք նորովի կզարգացնեն Խորհրդային Հայաստանի երբեմնի հզոր էլեկտրոնային արդյունաբերությունը։
Ումի՞ց պետք է Հայաստանում ԱԹՍ–ներ պահանջել. Գիտության պետական կոմիտեի ղեկավարի պատասխանը
