ՀԱՊԿ–ը պետք է ավելի հստակ արտահայտվի Սյունիքի դեպքերի առնչությամբ. իմքայլական պատգամավոր

© Sputnik / Aram NersesyanДепутат от фракции "Мой Шаг" Микаел Золян на внеочередном заседании парламента Армении (12 февраля 2019). Еревaн
Депутат от фракции Мой Шаг Микаел Золян на внеочередном заседании парламента Армении (12 февраля 2019). Еревaн - Sputnik Արմենիա, 1920, 25.05.2021
Բաժանորդագրվեք
Միքայել Զոլյանը կարծում է, որ Սյունիքում տեղի ունեցող իրադարձություններին արձագանքելը ՀԱՊԿ–ի հեղինակության հարցն է։

ԵՐԵՎԱՆ, 25 մայիսի - Sputnik. ՀԱՊԿ–ը և ՀԱՊԿ անդամ պետությունները պետք է ավելի հստակ արտահայտվեն Սյունիքի դեպքերի առնչությամբ։ ԱԺ նիստի ժամանակ նման կարծիք հայտնեց «Իմ քայլի» պատգամավոր Միքայել Զոլյանը` անդրադառնալով դեռ մայիսի 12-ին ադրբեջանցիների` ՀՀ տարածք ներխուժելու դեպքին։

Минобороны организовало визит военных атташе иностранных посольств в Армении на армяно-азербайджанскую границу в Сюникской области (20 мая 2021). - Sputnik Արմենիա, 1920, 21.05.2021
Հայաստանում հավատարմագրված ռազմական կցորդներն այցելել են Սյունիք. ՊՆ

«Բնական է, որ Սյունիքում ստեղծված իրավիճակը և դրա առնչությամբ դիվանագիտական աշխատանքը հանրության շրջանում անհանգստություն է առաջացրել։ Կարծում եմ, որ միանգամայն արդարացի սպասումներ կան ՀԱՊԿ–ից։ Գիտեմ, որ մեծ աշխատանք է կատարվում, որի մեծ մասը չի երևում, սակայն սա այն դեպքն է, որ ճիշտ կլիներ` մեր դաշնակիցները հստակ արտահայտվեին»,–ասաց Զոլյանը։

Նրա խոսքով` ՀՀ դաշնակիցները պետք է հստակ ասեն, որ անընդունելի են ՀՀ–ի հանդեպ գործողությունները, որոնք կասկածի տակ են դնում Հայաստանի տարածքային ամբողջականությունը։

Զոլյանը նշեց, որ սա այն դեպքն է, երբ մենք գործ ունենք ՀԱՊԿ–ի հեղինակության հետ, և սա միայն Հայաստանի խնդիրը չէ, այլ նաև ՀԱՊԿ–ի։

ՀԱՊԿ Հավաքական անվտանգության խորհրդի նախագահը Սյունիքի հետ կապված կարգադրություններ է տվել

Նա հավելեց, որ միայն չերևացող աշխատանքն այս դեպքում չի կարող արդյունավետ լինել` անհրաժեշտ են նաև հստակ հայտարարություններ, որոնք կարտահայտեն ՀԱՊԿ–ի դիրքորոշումը։

Հիշեցնենք, որ մայիսի 14–ին վարչապետի պաշտոնակատար Նիկոլ Փաշինյանը ՀՀ սահմանների առնչությամբ հայտարարել էր` պաշտոնապես դիմել են ՀԱՊԿ–ին, ռազմական աջակցության հարցով դիմել են նաև ՌԴ նախագահ Վլադիմիր Պուտինին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала