Մխիթարյանը երկու տարվա պայմանագիր է ստորագրել «Ռոմայի» հետ

© AP Photo / Gregorio BorgiaПолузащитник "Ромы" Генрих Мхитарян празднует забитый гол со своими товарищами по команде во время футбольного матча Серии А против ФК "Кротоне" (9 мая 2021). Рим
Полузащитник Ромы Генрих Мхитарян празднует забитый гол со своими товарищами по команде во время футбольного матча Серии А против ФК Кротоне (9 мая 2021). Рим - Sputnik Արմենիա, 1920, 26.05.2021
Բաժանորդագրվեք
НовостиTelegram
Իտալական Ա սերիայի 2020/21 մրցաշրջանի ավարտից հետո հայ երկրպագուների ուշադրության կենտրոնում էր Հայաստանի ազգային հավաքականի առաջատար Հենրիխ Մխիթարյանի «Ռոմայում» մնալ-չմնալու հարցը։ Պարզվում է՝ Մխիթարյանն ու Մոուրինյոն կաշխատեն իրար հետ։

ԵՐԵՎԱՆ, 26 մայիսի – Sputnik, Խաչիկ Չախոյան. Ինչպես տեղեկացնում է իտալական Tuttomercatoweb.com կայքը Հենրիխ Մխիթարյանն ու «Ռոմայի» ղեկավարությունը համաձայնության են եկել, ըստ որի հայ ֆուտբոլիստը ևս երկու տարի հանդես կգա ջալոռոսիների կազմում։

Нападающий Ромы Педро Родригес празднует свой гол с Генрихом Мхтаряном во время футбольного матча итальянской Серии А между Ромой и Фиорентиной (1 ноября 2020). Рим - Sputnik Արմենիա, 1920, 24.05.2021
Հենրիխ Մխիթարյանի գոլը եվրագավաթային ուղեգիր պարգևեց «Ռոմային». տեսանյութ

Ժոզե Մոուրինյոի «Ռոմայի» գլխավոր մարզիչ նշանակումից հետո հայտնի պատճառներով Մխիթարյանը տեղափոխությունը այլ ակումբ ավելի հավանական էր թվում, քան «Ռոմայում» մնալը։ Հայտարարվում էր, որ Հենրիխի ծառայություններով հետաքրքրված էին «Յուվենտուսը», «Միլանը»։ Սակայն այսօր, ըստ իտալական լրատվամիջոցի, Մխիթարյանի գործակալ Մինո Ռայոլայի և «Ռոմայի» ղեկավարության միջև կնքվել է նոր պայմանագիր, ըստ որի Մխիթարյանը ևս երկու տարով կմնա Հռոմում։

Հայտնվում է, որ հայ ֆուտբոլիստի նոր պայմանագրի երկրորդ տարվա ելույթներից կախված Հենրիխի հետ պայմանագիրը կարող է երկարաձգվել ևս մեկ տարով։ Ժոզե Մոուրինյոն իր հավանությունն է տվել Մխիթարյանի նոր պայմանագրին։

Հիշեցնենք, որ Մխիթարյանը 2020/21 թվականի Ա Սերիայի առաջնությունում դարձել է «Ռոմայի» գլխավոր ռմբարկուն՝ խփելով 13 գնդակ, կատարելով նաև 11 գոլայի փոխանցում։ Մխիթարյանը տեղ է գտել նաև Ա սերիայի 2020/21 մրցաշրջանի խորհրդանշական հավաքականում։

Հենրիխ Մխիթարյանը դարձավ գոլի հեղինակ. նա գրավեց «Ինտերի» դարպասը

Լրահոս
0