Հիմա կարևոր է ՀՀ-ի և Իրանի հարաբերությունների խորացումը. նախագահն ընդունել է Զարիֆին

© Photo / official site of the President of RAПрезидент Армен Саркисян принял министра иностранных дел Иранa Мохаммада Джавада Зарифа (26 мая 2021). Еревaн
Президент Армен Саркисян принял министра иностранных дел Иранa Мохаммада Джавада Зарифа (26 мая 2021). Еревaн - Sputnik Արմենիա, 1920, 26.05.2021
Բաժանորդագրվեք
Հանրապետության նախագահն ու Իրանի արտգործնախարարն անդրադարձել են նաև հայ-իրանական երկկողմ օրակարգին:

ԵՐԵՎԱՆ, 26 մայիսի - Sputnik. Հայաստանի Հանրապետության նախագահ Արմեն Սարգսյանն այսօր հյուրընկալել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին և նրա գլխավորած պատվիրակությանը: Տեղեկությունը հայտնում են նախագահի մամուլի ծառայությունից։

Նախագահ Սարգսյանը ընդգծել, որ Հայաստանն Իրանին համարում է վստահելի գործընկեր ու բարեկամ հարևան: Նրա խոսքով՝ տարածաշրջանում ստեղծված բարդ իրավիճակի պայմաններում չափազանց կարևոր են դարձել Հայաստանի և Իրանի միջև հարաբերությունների առավել զարգացումն ու խորացումը:

«Նախագահ Սարգսյանն անդրադարձել է նաև ադրբեջանական զինուժի կողմից Հայաստանի տարածք ներխուժելու փաստին և սահմանային իրավիճակին՝ նշելով, որ Ադրբեջանն իր սադրիչ գործողություններով նոր սպառնալիք է ստեղծում ողջ տարածաշրջանի համար»,–ասված է հաղորդագրության մեջ:

Вице-премьер Тигран Авинян на заседании в Парламенте (10 февраля 2021). Еревaн - Sputnik Արմենիա, 1920, 26.05.2021
ՀՀ–ն ու Իրանը աշխատում են Պարսից ծոց-Սև ծով տրանսպորտային միջանցք ստեղծելու ուղղությամբ

Մոհամմադ Ջավադ Զարիֆն իր հերթին նշել է, որ Հայաստանը միշտ էլ Իրանի լավ բարեկամն է եղել, և երկու երկրների ժողովուրդների հարաբերությունները գալիս են դարերի խորքից: Արտգործնախարար Մոհամմադ Զարիֆը շեշտել է, որ Իրանը կողմնակից է տարածաշրջանում խաղաղության հաստատմանն ու կայունության ապահովմանը և պատրաստ է հնարավոր ջանքերը ներդնել այդ ուղղությամբ: Նա միևնույն ժամանակ շեշտել է իր երկրի շահագրգռվածությունը՝ Հայաստանի տարածքային ամբողջականության լիարժեք պահպանման ու ապահովման հարցում՝ նշելով, որ Իրանի Իսլամական Հանրապետությունը կարևորում է հարգանքը միջազգային իրավունքի նորմերի նկատմամբ:

Հանրապետության նախագահն ու Իրանի արտգործնախարարն անդրադարձել են նաև հայ-իրանական երկկողմ օրակարգին: Զրուցակիցները համակարծիք են եղել, որ տարածաշրջանի առջև ծառացած նոր մարտահրավերները պարտադրում են աշխատել երկկողմ քաղաքական և տնտեսական հարաբերությունների օրակարգն ընդլայնելու ուղղությամբ: Նշելով, որ Իրանը և Հայաստանը համագործակցության շատ ավելի մեծ ներուժ ունեն, քան իրականում օգտագործում են` նրանք կարևորել են համատեղ տարբեր ծրագրերի շրջանակում փոխշահավետ համագործակցության շարունակական զարգացումը:

Սյունիքի դեպքերից հետո Իրանն ակտիվացել է. ինչո՞ւ է Հայաստանն անտեսում հարևանի շահը

Նշենք, որ Իրանի արտգործնախարար Մոհամմադ Զարիֆը Հայաստան է ժամանել այսօր։ Նա հանդիպել է ՀՀ ԱԳ նախարարի պաշտոնակատար Արա Այվազյանի և ՀՀ վարչապետի պաշտոնակատար Նիկոլ Փաշինյանի հետ։ Մինչ Երևան գալը Զարիֆը եղել է Բաքվում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала