Ռոմանոս Պետրոսյանը ՌԴ-ում խոսել է Արցախի դեմ Ադրբեջանի կիրառած քիմիական զենքերի մասին

© Photo : Facebook / ՀՀ շրջակա միջավայրի նախարարություն Ministry of Environment of ArmeniaВыступление и.о. министра окружающей среды Романоса Петросяна на 9-ой Международной экологической конференции в Санкт-Петербурге
Выступление и.о. министра окружающей среды Романоса Петросяна на 9-ой Международной экологической конференции в Санкт-Петербурге - Sputnik Արմենիա, 1920, 28.05.2021
Բաժանորդագրվեք
Նախարարի պաշտոնակատարի խոսքով` Ադրբեջանն անուղղելի վնաս է հասցրել շրջակա միջավայրին՝ լայնամասշտաբ անտառային հրդեհներից մինչև օդի, հողի, ջրի և բուսական ու կենդանական աշխարհի թունավորում։

ԵՐԵՎԱՆ, 28 մայիսի - Sputnik. Սանկտ Պետերբուրգում ընթացող Նևյան միջազգային բնապահպանական 9-րդ համաժողովում ՀՀ Շրջակա միջավայրի նախարարի պաշտոնակատար Ռոմանոս Պետրոսյանը բարձրաձայնել է 44-օրյա պատերազմի օրերին Արցախի դեմ իրականացված ռազմական հանցագործությունների մասին:

© Photo : Facebook / ՀՀ շրջակա միջավայրի նախարարություն Ministry of Environment of ArmeniaՌոմանոս Պետրոսյանի ելույթը Սանկտ Պետերբուրգում
Ռոմանոս Պետրոսյանը ՌԴ-ում խոսել է Արցախի դեմ Ադրբեջանի կիրառած քիմիական զենքերի մասին - Sputnik Արմենիա, 1920, 28.05.2021
Ռոմանոս Պետրոսյանի ելույթը Սանկտ Պետերբուրգում

Պետրոսյանը հայտարարել է, որ պատերազմի ընթացքում ադրբեջանական զինված ուժերն Արցախի ժողովրդի դեմ կիրառել են միջազգայնորեն արգելված կասետային զինամթերք, սպիտակ ֆոսֆոր կամ թերմիտային նյութեր պարունակող զենքեր։

Նախարարի պաշտոնակատարի խոսքով` այս գործողությունների հետևանքով Ադրբեջանն անուղղելի վնաս է հասցրել շրջակա միջավայրին՝ լայնամասշտաբ անտառային հրդեհներից մինչև օդի, հողի, ջրի և բուսական ու կենդանական աշխարհի թունավորում։

Ղարաբաղյան հակամարտության կարգավորման հեռանկարներն է Մոսկվայում քննարկել Դավիթ Բաբայանը

Ռոմանոս Պետրոսյանը խոսել է նաև պատերազմի ավարտից հետո ադրբեջանական կողմի շարունակական ագրեսիայի և ոտնձգությունների մասին Հայաստանի Հանրապետության նկատմամբ։

Հիշեցնենք, որ Ադրբեջանն Արցախում ֆոսֆորային զինամթերք էր օգտագործել, այն կիրառելով անտառներում, բնակավայրերի մոտակայքում, որտեղ բազմաթիվ խաղաղ բնակիչներ են ապրում:

Հայաստանը կարող է Ադրբեջանի դեմ 1,5–2 միլիարդ դոլարի հայց ներկայացնել. Սարգիս Գրիգորյան - Sputnik Արմենիա, 1920, 25.05.2021
Արցախի ներդրողները կարող են Ադրբեջանի դեմ հայցեր ներկայացնել միջազգային ատյաններ

Ֆոսֆորային զենքը քիմիական այն զինատեսակներից է, որոնց կիրառությունն արգելված է միջազգային մարդասիրական օրենքներով։ Այն ոչնչացնում է ոչ միայն անտառները, օդը, ջուրը, կենդանական աշխարհն ու ողջ շրջակա կենսաբազմազանությունը, այլև շատ լուրջ բացասական ազդեցություն է ունենում մարդու առողջության համար։

Սպիտակ ֆոսֆորից բռնկված հրդեհը գրեթե անհնար է մարել։ Անգամ մարելուց հետո այն ունակ է ինքնաբռնկվելու։ Ֆոսֆորն այրվելիս 2000-3000 աստիճան ջերմություն է առաջացնում, որից նույնիսկ մետաղն է հալվում։

Հիշեցնենք նաև, որ «պայթուցիկ ու հրկիզող փամփուշտների» օգտագործման սահմանափակումների մասին առաջին միջազգային համաձայնագիրը կնքվել է Սանկտ Պետերբուրգում դեռևս 1868 թվականին:

Ներկայում ֆոսֆորային զինամթերքի արգելման հիմնական փաստաթուղթ է համարվում Ժնևի կոնվենցիայի պատերազմի զոհերի պաշտպանության մասին 1949 թվականի կոնվենցիայի 1977 թվականի լրացուցիչ արձանագրությունները, ինչպես նաև «Սովորական զենքի կոնկրետ տեսակների մասին կոնվենցիայի» III արձանագրությունը (1980 թ.): ԱՄՆ-ն ու Իսրայելը դրանց չեն միացել։

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала