Ադրբեջանը պետք է արձագանքի ԵԱՀԿ ՄԽ-ին ու հետ քաշի զինված ուժերը ՀՀ տարածքից. Մակունց

© Sputnik / Asatur YesayantsРуководитель фракции "Мой шаг" Лилит Макунц на очередном заседании Национального собрания Армении (16 сентября 2020). Еревaн
Руководитель фракции Мой шаг Лилит Макунц на очередном заседании Национального собрания Армении (16 сентября 2020). Еревaн - Sputnik Արմենիա, 1920, 31.05.2021
Բաժանորդագրվեք
«Իմ քայլի» ղեկավարի դիտարկմամբ՝ որևէ գործընթաց չի կարող սկսվել, քանի դեռ Ադրբեջանը հետ չի քաշել իր ուժերը ՀՀ տարածքից:

ԵՐԵՎԱՆ, 31 մայիսի - Sputnik. Հայ-ադրբեջանական սահմանից զորքերը հետ քաշվելու ու այդտեղ միջազգային դիտորդներ տեղակայելու մասին ՀՀ վարչապետի պաշտոնակատար Նիկոլ Փաշինյանի առաջարկը հնչեցված է, միջազգային արձագանք կա, հերթը Ադրբեջանինն է: Այս մասին այսօր խորհրդարանում կայացած ճեպազրույցի ժամանակ ասաց ԱԺ «Իմ քայլը» խմբակցության ղեկավար Լիլիթ Մակունցը:

Премьер-министр Никол Пашинян представил нового главу МИД Армении Ара Айвазяна (19 ноября 2020). Еревaн - Sputnik Արմենիա, 1920, 31.05.2021
Դիտորդների թեման Այվազյանի համար անակնկալ չի եղել. Մակունցը` նրա հրաժարականի պատճառի մասին

«Բոլորդ տեսել եք ԵԱՀԿ ՄԽ համանախագահության հայտարարությունը, որն, ըստ էության, արձագանք էր վարչապետի արձագանքին: Եղել է արձագանք նաև ԱՄՆ-ի կողմից: Հստակ գնահատականներ հնչել են մի շարք այլ երկրների, այդ թվում՝ Կանադայի ու Լիտվայի կողմից: Այնպես որ, մենք կարող ենք արձանագրել, որ հանրային արձագանք եղել է: Վարչապետը նշել է, որ Հայաստանը պատրաստ է քննարկել իր առաջարկի հետ կապված մնացած քայլերն այն բանից հետո, երբ Ադրբեջանն արձագանքի գործընկերներին, օրինակ՝ ԵԱՀԿ ՄԽ-ին և հայելային կերպով հետ քաշի իր զինված ուժերը ՀՀ տարածքից» ,- ասաց Մակունցը՝ հավելելով, որ հաջորդ քայլը պետք է լինի Ադրբեջանի կողմից:

«Իմ քայլի» ղեկավարի դիտարկմամբ՝ որևէ գործընթաց չի կարող սկսվել, քանի դեռ Ադրբեջանը հետ չի քաշել իր ուժերը ՀՀ տարածքից:

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

ԽՍՀՄ տարիներին ադրբեջանցիները զավթում էին հայերի հողերը, ապա դարձնում քննարկման առարկա

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Բացի այդ, մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից մահացու վիրավորում է ստացել զինծառայող, կրտսեր սերժանտ Գևորգ Խուրշուդյանը:

Մայիսի 26–ի լույս 27–ի գիշերը ադրբեջանական կողմը Գեղարքունիքի սահմանային հատվածում 6 հայ զինծառայողի է գերեվարել։

ՀՀ վարչապետի պաշտոնակատար Նիկոլ Փաշինյանը մայիսի 27-ին ԱԽ նիստում առաջարկեց Ադրբեջանի հետ սահմանին տեղակայել միջազգային դիտորդների, որոնք կներկայացնեն Ռուսաստանը կամ Մինսկի խմբի համանախագահ մեկ այլ երկիր։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала