«Իմ բացթողումն է». Անահիտ Ավանեսյանը` դիերի և մասունքների ոչ պատշաճ պահման դեպքի մասին

© Photo : Facebook / ՀՀ առողջապահության նախարարությունИ.о. министра здравоохранения Анаит Аванесян
И.о. министра здравоохранения Анаит Аванесян - Sputnik Արմենիա, 1920, 01.06.2021
Բաժանորդագրվեք
НовостиTelegram
ՀՀ առողջապահության նախարար Անահիտ Ավանեսյանը նշում է, որ արձանագրված փաստի հետ կապված կիրականացվի ծառայողական քննություն՝ համապատասխան հետևանքներով:

ԵՐԵՎԱՆ, 1 հունիսի - Sputnik. ՀՀ առողջապահության նախարարի պաշտոնակատար Անահիտ Ավանեսյանը նշում է, որ դիերի և մասունքների ոչ պատշաճ պահման փաստը, որն արձանագրվել է Դատաբժշկական կենտրոնի Աբովյանի մասնաճյուղում, իր բացթողումն է եղել։ Ավանեսյանը Facebook-ի իր էջում է նման գրառում արել` անդրադառնալով մեծ աղմուկ բարձրացրած դեպքին։

Сотрудники ГСЧС перевозят тела военнослужащих в морг - Sputnik Արմենիա, 1920, 31.05.2021
«Մինչև հիմա մրգի սառնարանում են պահել դիերը». անհետ կորածների հարազատները փակել են Հերացին

Արդեն հայտնել էինք, որ երեկ անհետ կորած զինվորների հարազատները փակել էին Հերացի փողոցը։ Նրանց խոսքով` մի քանի հարյուր դիեր կան, որոնք թաքցրել են հասարակությունից` պահելով մրգերի սառնարաններում։ Բացի այդ, երեկ սոցցանցերում լուսանկար հրապարակվեց, որտեղ երևում էր, որ Դատաբժշկական կենտրոնի Աբովյանի մասնաճյուղում մասունքները պահվում են սենյակներից մեկի գետնին դրված պարկերի մեջ։

«Դիերի և մասունքների ոչ պատշաճ պահման փաստի հետ կապված ուզում եմ նախ ներողություն խնդրել բոլոր հարազատներից: Իմ բացթողումն է եղել, որ որոշակի տեղափոխություններից հետո նորից անձամբ չեմ այցելել և համոզվել դիակների պահպանման մանրամասներին»,–գրել է նախարարի պաշտոնակատարը։

«Կգնանք դիահերձարան` մեր աչքով կտեսնենք». անհետ կորածների հարազատները բացեցին Հերացին

Ավանեսյանը նշում է, որ արձանագրված փաստի հետ կապված կիրականացվի ծառայողական քննություն՝ համապատասխան հետևանքներով:

Նա հայտնել է, որ այսօր Դատաբժշկական կենտրոնը նորից տեղեկատվություն կհրապարակի դիակների և մասունքների փորձաքննությունների ընթացքի և արդյունքների վերաբերյալ:

Նախարարի պաշտոնակատարը հիշեցրել է, որ դիահերձարաններում գտնվող դիերը և մասունքներն արդեն իսկ անցել են փորձաքննություն։

Հիշեցնենք, որ երեկ ծնողներն անձամբ էին գնացել որոշ դիահերձարաններ` տեսնելու, թե ինչ վիճակ է այնտեղ և քանի մասունք կա։

«Դատաբժշկական գիտագործնական կենտրոնի» ղեկավարությունը հանդիպել է անհետ կորածների ծնողներին

Լրահոս
0