Երևանում, Գյումրիում և Վանաձորում թոշակներն ու նպաստները կվճարվեն անկանխիկ եղանակով

© Sputnik / Andranik GhazaryanПожилая женщина переходит улицу Багратуняц
Пожилая женщина переходит улицу Багратуняц - Sputnik Արմենիա, 1920, 02.06.2021
Բաժանորդագրվեք
Yandex newsTelegram
Կանխիկ եղանակով թոշակ կամ նպաստ ստացողներ նույնպես կլինեն. նախարարությունը մանրամասնել է, թե որ խմբերն են նրանք։

ԵՐԵՎԱՆ, 2 հունիսի - Sputnik. 2021 թ. հուլիսի 1-ից Երևան, Գյումրի և Վանաձոր քաղաքներում կենսաթոշակը և ծերության, հաշմանդամության, կերակրողին կորցնելու դեպքում նպաստները կվճարվեն բացառապես անկանխիկ եղանակով՝ բանկի կամ «Հայփոստի» միջոցով: Տեղեկությունը հայտնում է ՀՀ աշխատանքի և սոցիալական հարցերի նախարարությունը։

«Բացառություն կկազմեն առաջին կամ երկրորդ խմբի հաշմանդամություն ունեցող անձինք, 14 և 75 տարեկան կենսաթոշակառուներն ու նպաստառուները, որոնք կարող են ընտրել վճարման եղանակը՝ կանխիկ կամ անկանխիկ: Լիազորագրի առկայության դեպքում ևս կենսաթոշակը կամ նպաստը կտրամադրվի կանխիկ եղանակով»,–նշված է հաղորդագրության մեջ։

Այսպիսով՝ Երևան, Գյումրի և Վանաձոր քաղաքների կենսաթոշակառուներն ու նպաստառուները, որոնք ընդգրկված չեն բացառություն կազմող շահառուների խմբում, վճարող կազմակերպություն ընտրելու համար կարող են դիմում ներկայացնել Միասնական սոցիալական ծառայության ցանկացած տարածքային բաժին մինչև հունիսի 21-ը՝ նշելով այն բանկի կամ «Հայփոստի» անունը, որտեղից ցանկանում են ստանալ գումարը»,–նշված է հաղորդագրության մեջ։

Ինչով է պայմանավորված սննդամթերքի գնաճը. պարզաբանում է տնտեսագետը

«Հայփոստն» ընտրելու դեպքում դիմումին պետք է կցել հաշվի բացման և համալրման պայմանագիր կնքելը հավաստող տեղեկանք: Դիմումը կարելի է ներկայացնել նաև «Հայփոստի» գրասենյակ: Իսկ վճարող կազմակերպություն չընտրելու դեպքում, 2021 թվականի հուլիս ամսվա կենսաթոշակի վճարման ցուցակ ձևավորելիս, վճարող կազմակերպությունը կընտրվի ծրագրի միջոցով՝ պատահականության սկզբունքով ընտրելով որևէ վճարային կազմակերպություն։

Որքան պարգևավճար են ստացել պետական աշխատողները. Ջանջուղազյանը թվեր հրապարակեց

 

 

Լրահոս
0