ԵՐԵՎԱՆ, 3 հունիսի - Sputnik. Արտաքին գործերի չորս փոխնախարարները ներկա չեն կառավարության այսօրվա նիստին։ Այս մասին Sputnik Արմենիային հաստատեցին ԱԳՆ լրատվության վարչությունից։
1 հունիսի 2021, 13:17
«Չորս փոխնախարարներից երկուսը հանդիպման են, երկուսը՝ գործուղման», – մանրամասնեցին ԱԳՆ–ից։
Փոխնախարարների հրաժարականների մասին լուրը ԱԳՆ–ից չհաստատեցին։
Ավելի վաղ ազատման դիմումներ էին գրել ԱԳՆ ղեկավար Արա Այվազյանը, արտաքին գործերի փոխնախարար Գագիկ Ղալաչյանը, ԱԳՆ մամուլի քարտուղար Աննա Նաղդալյանը։
Լրատվամիջոցներում տեղեկություն էր տարածվել, որ կառավարության այսօրվա նիստում ԱԳ փոխնախարարները ներկա չեն, քանի որ ազատման դիմումներ են ներկայացրել։
