«Իկոնայի պես նկարս բռնած գնում-գալիս է». Քոչարյանը մեկնաբանել է առյուծի հետ իր լուսանկարը

Лидеры блока "Айастан" на встрече с жителями Гегаркуникской области (4 июня 2021). Севан
Лидеры блока Айастан на встрече с жителями Гегаркуникской области (4 июня 2021). Севан - Sputnik Արմենիա, 1920, 06.06.2021
Բաժանորդագրվեք
НовостиTelegram
Նա չի հերքել, որ որսորդության սիրահար է, բայց պնդել է, որ դա այդ կարգի որսորդության միակ դեպքն է եղել։

ԵՐԵՎԱՆ, 6 հունիսի - Sputnik. ՀՀ երկրորդ նախագահ Ռոբերտ Քոչարյանը Երևանում համակիրների հետ հանդիպման ժամանակ անդրադարձել է առյուծի վրա նստած իր հայտնի լուսանկարի պատմությանը` նշելով, որ դա տարիներ առաջ Տանզանիայում արված լուսանկար է:

Роберт Кочарян на пресс-конференции лидеров блока Айастан (25 мая 2021). Еревaн - Sputnik Արմենիա, 1920, 06.06.2021
Ինձ մեղադրում են այն ուժերը, որոնք իրենք են ԼՂ-ն դուրս թողել բանակցություններից. Քոչարյան

«Մի շատ հայտնի, համաշխարհային անուն ունեցող մարդու հրավերով եմ եղել, իր ընտանիքի հրավերով Տանզանիայում անցկացրել եմ մեկ շաբաթ, իմ նախագահության տարիներին չի եղել»,– ասել է Քոչարյանը։

Նա չի հերքել, որ որսորդության սիրահար է, բայց պնդել է, որ դա այդ կարգի որսորդության միակ դեպքն է եղել։

Քոչարյանը նաև հայտնել է, որ ՀՀ որսորդմիության անդամ է, ունի անդամության գրքույկ, որսորդական զենք` իր անվամբ գրանցված:

«Բնությունը շատ եմ սիրում, շատ եմ հարգում, դրա համար սեզոնից դուրս որևէ տեղ որս չեմ արել, որևէ անօրինական բան այդ առումով չեմ արել»,-ասել է նա:

Քոչարյանն անդրադարձել է նաև Տանզանիայում առյուծի հետ արված իր լուսանկարի շուրջ վերջին օրերի շահարկումներին` ասելով. «Հիմա եթե ավտոգրաֆ է ուզում, խնդրեմ, կարամ մակագրեմ` ամսի 21-ին: Իկոնայի պես նկարս բռնած գնում, գալիս է»:

Փաշինյանի ու Քոչարյանի ընտրողների թիվը գրեթե հավասարվել է. սոցհարցում

Հիշեցնենք` վերջին օրերի մարզային այցելությունների ընթացքում ՀՀ վարչապետի պաշտոնակատար Նիկոլ Փաշինյանը հավաքվածներին է ներկայացրել Քոչարյանի լուսանկարը` որսի ժամանակ սպանված առյուծի հետ` պահանջելով, որ երկրորդ նախագահը ապացույցներ ներկայացնի իր հոգեկան հավասարակշռության վերաբերյալ։

Այս հայտարարությունը Փաշինյանն արել էր այն բանից հետո, երբ Քոչարյանն իրենից բժշկական տեղեկանք էր պահանջել` նախընտրական բանավեճի հրավերն ընդունելու համար։

Լրահոս
0