«Բա ինչո՞ւ չես գնդակահարում քեզ դրա համար». Փաշինյանը պատասխանեց Սերժ Սարգսյանին

© Photo : Screenshot / press office of the GOV of RAИ.о. премьер-министра Никол Пашинян во время предвыборной кампании в Армавирской области (7 июня 2021).
И.о. премьер-министра Никол Пашинян во время предвыборной кампании в Армавирской области (7 июня 2021). - Sputnik Արմենիա, 1920, 07.06.2021
Արտահերթ խորհրդարանական ընտրությունների քարոզարշավը բուռն կերպով է մեկնարկել։

ԵՐԵՎԱՆ, 7 հունիսի - Sputnik. ՀՀ վարչապետի պաշտոնակատար Նիկոլ Փաշինյանը Փարաքարում նախընտրական քարոզարշավի շրջանակում պատասխանեց ՀՀ երրորդ նախագահ Սերժ Սարգսյանի` երեկ արած հայտարարությանը։

Серж Саргсян и Артур Ванецян во время церемонии подписания меморандума предвыборного блока Честь имеем (16 мая 2021). Еревaн - Sputnik Արմենիա, 1920, 27.05.2021
Փաշինյանի առաջարկը Հայաստանի համար նոր վտանգներ է պարունակում․ «Պատիվ ունեմ» դաշինք

Սարգսյանն ասել էր` եթե ինքը լիներ գերագույն գլխավոր հրամանատար ու այսպիսի վիճակ լիներ, ինքն իրեն ուղղակի կգնդակահարեր։

«Իսկ որ վերջին 10 տարվա Հայաստանի զենք-զինամթերքի 75 տոկոսը ձեռք է բերվել քեզնից հետո, բա ինչո՞ւ չես գնդակահարում քեզ դրա համար։ Իսկ որ Մոնտե Կառլոների կազինոներում զինվորի գողացած միլիոնները կրվեիր, քեզ կգնդակահարեի՞ր, թե՞ ոչ»,–ասաց Փաշինյանը։

Նա հավելեց, որ պատերազմի մեջ գտնվող պետության բանակը նախկինում եղել է բարեգործությունների առարկա։ Փաշինյանն ասում է, որ իրենց մեղադրում են, թե ինչու են զինվորի սննդի վրա փող ծախսել։

Պատերազմը չի ավարտվել, չկա պայմանագիր, չկա խաղաղություն. Արմեն Սարգսյան

«Իսկ որ մարդիկ գալիս-մտնում էին զորամասեր, կոնֆետ էին շպրտում, զինվորները ճանկելով այդ կոնֆետների հետևից վազում էին` տո հենց դրանից ինքդ քեզ պետք է գնդակահարեիր»,–նշեց Փաշինյանը։

Նա հավելեց, որ այսօր իրենց առաջին խնդիրն է ՀՀ–ում քաղաքացիական պատերազմը կանխելը։

Հիշեցնենք` այսօրվանից` 2021 թվականի հունիսի 7-ից, մեկնարկել է Հայաստանի Հանրապետության Ազգային ժողովի հունիսի 20-ի արտահերթ ընտրությունների նախընտրական քարոզչությունը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала