Քաղավիացիայի կոմիտեն կասեցրել է «Ֆլայ Արմենիա Էյրվեյզ» ՍՊԸ-ի օդանավ շահագործողի վկայականը

© Sputnik / Константин МихальчевскийПассажирский авиалайнер Boeing 737-800 авиакомпании "Nordwind" в аэропорту Симферополя
Пассажирский авиалайнер Boeing 737-800 авиакомпании Nordwind в аэропорту Симферополя - Sputnik Արմենիա, 1920, 14.06.2021
Բաժանորդագրվեք
НовостиTelegram
Քաղաքացիական ավիացիայի կոմիտեն մասնագիտական քննության արդյունքները կներկայացնի ՀՀ ազգային անվտանգության ծառայությանը:

ԵՐԵՎԱՆ, 14 հունիսի – Sputnik. Քաղաքացիական ավիացիայի կոմիտեում ավարտվել է 2021 թվականի փետրվարի 19-ին և 20-ին «Ֆլայ Արմենիա Էյրվեյզ» ՍՊ ընկերության կողմից շահագործվող Boeing B737-300 EK-FAA օդանավի մեկանգամյա տեխնիկական տեղափոխական թռիչքների ժամանակ տեղի ունեցած միջադեպի մասնագիտական քննությունը, ինչի արդյուքում արձանագրվել են թռիչքային անվտանգությանը սպառնացող թերություններ: Տեղեկությունը հայտնում է Քաղավիացիայի կոմիտեի մամուլի ծառայությունը։

«Հիմք ընդունելով արձանագրված թերությունները, ինչպես նաև այն փաստը, որ «Ֆլայ Արմենիա Էյրվեյզ» ՍՊԸ-ն ներկա պահին չունի շահագործման ենթակա որևէ պիտանի օդանավ՝ որոշում է կայացվել կասեցնել թիվ 070 օդանավ շահագործողի վկայականը»,- նշված է հաղորդագրության մեջ:

Կոմիտեն միաժամանակ տեղեկացնում է, որ ՀՀ ազգային անվտանգության ծառայությունում նշված դեպքի հետ կապված քննությունը շարունակվում է:

Взлет самолета Boeing737 авиакомпании Аэрофлот из аэропорта Шереметьево - Sputnik Արմենիա, 1920, 23.04.2021
Հայկական գրանցումով ինքնաթիռի անհետացման իրական պատճառը. անձնակազմը կեղծել է փաստաթղթերը

Քաղաքացիական ավիացիայի կոմիտեն մասնագիտական քննության արդյունքները կներկայացնի ՀՀ ազգային անվտանգության ծառայությանը:

Խոսքը վերաբերում է 2021 թվականի փետրվարի 20-ին Թեհրանի «Մեհրաբադ» օդանավակայանում չարտոնված վայրէջք կատարած օդանավին, որը 2021 թվականի ապրիլի 23-ից Երևանի «Զվարթնոց» օդանավակայանում է:

«Ֆլայ Արմենիա Էյրվեյզը» պարզաբանել է` ինչպես է իր վարձակալած օդանավը հայտնվել Իրանում

Լրահոս
0