ԵՐԵՎԱՆ, 15 հունիսի – Sputnik. Հայաստանը պետք է անցում կատարի պրոֆեսիոնալ բանակին, կադրային զինվորականների ներգրավմանը և կրճատի ժամկետային ծառայությունը զինված ուժերում։ Այս մասին Sputnik Արմենիա միջազգային մուլտիմեդիոն կենտրոնում կայացած մամուլի ասուլիսի ժամանակ հայտարարեց «Միասնական հայրենիք» կուսակցության նախագահ Մհեր Տերտերյանը։
Նա նշեց, որ հաշվի առնելով ներկայիս պայմանները, բանակում ժամկետային ծառայությունը պետք է երկարացվի մինչև 2,5-3 տարի։ Սակայն կարելի է նաև կրճատել ծառայության ժամկետը մինչև մեկ տարի՝ միաժամանակ ավելացնելով պրոֆեսիոնալ զինվորականների թիվը: Միևնույն ժամանակ, պահեստազորայինները պետք է կանոնավոր վերապատրաստում անցնեն։
«Եթե մի կողմից պրոֆեսիոնալ զինվորականները մշտապես կատարելագործում են իրենց հմտությունները, իսկ պահեստազորայինները ժամանակ առ ժամանակ պատրաստվում են, դուք առավելագույն մարտական պատրաստվածություն եք ստանում»,-ընդգծեց Տերտերյանը։
Նա հավելեց, որ սահմանամերձ բնակավայրերի բնակիչների համար անհրաժեշտ է ստեղծել բոլոր պայմանները մարտական զենք ձեռք բերելու համար (սուբսիդավորելով այն մինչև 95 տոկոսի չափով)։ Այստեղ պետք է գործի նույն մոդելը, ինչ Շվեյցարիայում, որտեղ քաղաքացիներն անձնական զենք ունեն։
«Հանրապետության» համար քարոզարշավը լավ է ընթանում. կուսակցությունը նորամուծություն է արել
«Մենք նաև կանանց զինվորական ծառայության մեջ ներգրավելու առաջարկներ ունենք»,-նշեց կուսակցության ղեկավարներից մեկը՝ Լուսինե Ավագյանը:
Տերտերյանի խոսքով` պետք է մտածել նաև այլ երկրներում ապրող հայերի համար ԶՈւ-ում ծառայելու հնարավորություններ ստեղծելու մասին։ Այդ թվում նրանց համար, ովքեր հայկական քաղաքացիություն չունեն։ Վերջին ռազմական գործողությունների ընթացքում նրանցից շատերը ցանկանում էին գալ երկիրը պաշտպանելու, բայց դրա համար իրավական հնարավորություններ չկային։ Նման կամավորներից պետք է լեգիոն ձևավորել և ղեկավարել նրանց պատրաստությունը։
Նշենք, որ հունիսի 20-ին Հայաստանում տեղի կունենան արտահերթ խորհրդարանական ընտրություններ, որոնց կմասնակցեն 21 կուսակցություն և 4 դաշինք:
Ուժեր կան, որ գրանտ են ստացել Արևմուտքից և պետք է իրականացնեն հակառուսական քարոզչություն
