Պետք է դագանակ ունենանք, որ ով մուրճով գա՝ դագանակով գլխին տանք. Սերժ Սարգսյան

© Photo : Facebook / Screensfot / ՀՀ 3-րդ նախագահի գրասենյակ / Office of 3rd President of RA Серж Саргсян на встрече с представителями партии "Честь имею"
Серж Саргсян на встрече с представителями партии Честь имею - Sputnik Արմենիա, 1920, 15.06.2021
Բաժանորդագրվեք
Սերժ Սարգսյանն ընդգծել է, որ այս տարիներին հայ ազգն ամեն ինչ տեսել է՝ պարտություն, հազարավոր երիտասարդների մահ, մնացել է միայն քաղաքացիական պատերազմը։

ԵՐԵՎԱՆ, 15 հունիսի – Sputnik. ՀՀ երրորդ նախագահ, ՀՀԿ նախագահ Սերժ Սարգսյանը Լոռիում համակիրների հետ հանդիպմանը հայտարարել է, որ ՀՀ վարչապետի պաշտոնակատար Նիկոլ Փաշինյանը բացահայտ ասում է, որ եթե արտահերթ ընտրություններում ինքը 60% չստանա, ապա խնդիրներ են առաջանալու։

И.о. премьер-министра Никол Пашинян держит в руках молоток во время предвыборной агиткампании в общине Бюрегаван (13 июня 2021). Котайк - Sputnik Արմենիա, 1920, 15.06.2021
Արման Թաթոյանին մտահոգել է Փաշինյանի` մուրճի ցուցադրումն ու «կվալդից» խոսելը

«Հիմա ինքն ինչ ուզում՝ անում է։ Տեսնում ենք, չէ՞, ձեռքն ինչ է (նկատի ունի մուրճը-խմբ), երևի ուզում է ինչ-որ մի անգամ ձեռքից վերցնեն, գլխին տան, որ հասկանա՝ ինչ է։ Էդ ո՞ւմ համար է նախատեսում»,- ասել է նա։

Սերժ Սարգսյանն ընդգծել է, որ այս տարիներին հայ ազգն ամեն ինչ տեսել է՝ պարտություն, հազարավոր երիտասարդների մահ, տակը մնացել է քաղաքացիական պատերազմ։

«Էդ մեկն էլ թող ցույց տա, որ մեր արժանապատվությունը հասնի զրոյի»,- ասել է ՀՀ երրորդ նախագահը։

Նրա խոսքով` հայ ժողովուրդը պետք է պատրաստ լինի դրան դիմակայելու։

«Մենք նրա «պողպատյա» հեղափոխությանը պետք է դեմ տանք ավելի կարծր նյութից պատրաստված վահան, ձեռքներիս մեջ էլ պետք է դագանակ ունենանք, որ ով մուրճով գա, դագանակով գլխին տանք, ուրիշ ձև չկա»,–ասել է նա։

Ինչպես է տեղի ունեցել Ծառուկյանի և Փաշինյանի կողմնակիցների ծեծկռտուքը․ տեսանյութ

Նշենք, որ մի շարք համայնքներում նախընտրական հանդիպումների ժամանակ «Քաղաքացիական պայմանագիր» կուսակցության վարչապետի թեկնածու Նիկոլ Փաշինյանը նշում է, որ «պողպատյա հեղափոխություն» պետք է արվի։ Նա իր համակիրներին ցույց էտալիս մուրճն ու նշում, որ հենց դրանով պետք է հանեն այն «ժանգոտած մեխերը», որոնք մնացել են քաղաքապետարաններում և մարզպետարաններում՝ նկատի ունենալով այլ քաղաքական ուժերին սատարող պաշտոնյաներին։

Խորհրդարանական արտահերթ ընտրությունները նախատեսված են հունիսի 20-ին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала