Մենք մուրճը կօգտագործենք միայն նպատակային. Ռոբերտ Քոչարյան

© Sputnik / Asatur YesayantsРоберт Кочарян во время интервью (14 июня 2021). Еревaн
Роберт Кочарян во время интервью (14 июня 2021). Еревaн - Sputnik Արմենիա, 1920, 16.06.2021
ՀՀ երկրորդ նախագահն անդրադարձավ Նիկոլ Փաշինյանի կողմից հանրահավաքների ժամանակ անընդհատ մուրճը թափահարելու փաստին։

ԵՐԵՎԱՆ, 16 հունիսի - Sputnik. ՀՀ երկրորդ նախագահ, «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը հայտարարում է` իրենք այն ուժն են, որը մուրճն օդում չի թափահարելու։ Քոչարյանն այդ մասին հայտարարեց քարոզարշավի շրջանակներում Մարալիկում տեղի բնակիչների հետ հանդիպման ժամանակ։

И.о. премьер-министра Никол Пашинян во время предвыборной агиткампании в Армавирской области (7 июня 2021). Гай - Sputnik Արմենիա, 1920, 16.06.2021
Ընտրակաշառքի մասին վկայող տեսանյութի համար խոստանում ենք 1000 դոլար պարգև. Փաշինյան

Նշենք, որ վարչապետի պաշտոնակատար Նիկոլ Փաշինյանը մարզային հանդիպումների ժամանակ պարբերաբար թափահարում է մի մուրճ և ասում, որ եկել է պողպատյա հեղափոխության ժամանակը։

«Մենք սիրում ենք շինարարությունը, և մուրճը կօգտագործենք միայն նպատակային` շենքեր կառուցելու համար։ Մենք հիստերիկ դրսևորումների կարիք չունենք։ Իմ կարծիքով` հիստերիկությունը թուլության նշան է: Մենք դրա կարիքը չունենք»,–ասաց Քոչարյանը։

Նրա խոսքով` 10 տարի պաշտոնի է եղել, սակայն չի գտնվի մեկ մարդ, որը կասի, թե Քոչարյանը ձայն է բարձրացրել, սակայն, միևնույն ժամանակ, չի եղել հանձնարաևական, որը չի կատարվել։

Ընտրության օրը գործելու է «թեժ գիծ». դիտորդների հետ կխոսեն օտար լեզուներով. Ֆիդանյան

Հիշեցնենք, որ այսօր ՀՀ մարդու իրավունքների պաշտպան Արման Թաթոյանն այսօր հայտարարություն էր տարածել` ասելով, որ անթույլատրելի են Նիկոլ Փաշինյանի կողմից քարոզարշավի ընթացքում մուրճի անընդհատ ցուցադրությունն ու պատկերավոր համեմատությունները, ինչը մարդկանց մոտ կարող է առաջացնել մուրճով հարցեր լուծելու պատկերացումներ։

Հավելենք` հունիսի 20–ին Հայաստանում անցկացվելու են արտահերթ խորհրդարանական ընտրություններմ որոնց մասնակցելու հայտ է ներկայացրել 21 կուսակցություն և 4 դաշինք։ 

Հունիսի 7–ից մեկնարկել է նախընտրական քարոզարշավը, որը կավարտվի ընտրություններից մեկ օր առաջ` հունիսի 19–ին։

Անթույլատրելի է Փաշինյանի կողմից մուրճի անընդհատ ցուցադրությունը. Արման Թաթոյան

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала