Ծառուկյանի վրա ո՞վ կարող է ազդել. ԲՀԿ առաջնորդը քվեարկեց հանուն անվտանգ հայրենիքի

© Sputnik / Andranik GhazaryanЛидер партии "Процветающая Армения" Гагик Царукян с супругой во время внеочередных парламентских выборов в Армении (20 июня 2021). село Ариндж
Лидер партии Процветающая Армения Гагик Царукян с супругой во время внеочередных парламентских выборов в Армении (20 июня 2021). село Ариндж - Sputnik Արմենիա, 1920, 20.06.2021
Բաժանորդագրվեք
«Բարգավաճ Հայաստան» կուսակցության առաջնորդը ևս մեկ անգամ բացառեց Փաշինյանի հետ կոալիցիա կազմելու հավանականությունը։

ԵՐԵՎԱՆ, 20 հունիսի - Sputnik. «Բարգավաճ Հայաստան» կուսակցության վարչապետի թեկնածու Գագիկ Ծառուկյանը քվեարկեց հանուն անվտանգ հայրենիք, հզոր, զարգացող, բարգավաճ Հայաստան ունենալու։ Նա քվեարկությանը եկավ տիկնոջ՝ Ջավահիր Ծառուկյանի հետ։ Ծառուկյան ամուսինները քվեարկեցին Կոտայքի մարզի Առինջ գյուղի համար 66 դպրոցում տեղակայված 29/29 ընտրատեղամասում։

© Sputnik / Andranik GhazaryanԾառուկյան ամուսինները
Ծառուկյանի վրա ո՞վ կարող է ազդել. ԲՀԿ առաջնորդը քվեարկեց հանուն անվտանգ հայրենիքի - Sputnik Արմենիա, 1920, 20.06.2021
Ծառուկյան ամուսինները

Քվեարկությունից հետո «Բարգավաճ Հայաստան» կուսակցության առաջնորդը պատասխանեց լրագրողների հարցերին։

© Sputnik / Andranik GhazaryanԳագիկ Ծառուկյան
Ծառուկյանի վրա ո՞վ կարող է ազդել. ԲՀԿ առաջնորդը քվեարկեց հանուն անվտանգ հայրենիքի - Sputnik Արմենիա, 1920, 20.06.2021
Գագիկ Ծառուկյան

Հարցին, թե եթե ընտրության արդյունքներն իր թիմին չբավարարի, պատրաստվու՞մ են բողոքի հավաքներ անցկացնել, Ծառուկյանը նշեց, որ ժողովուրդն է ընտրություն կատարողը, եթե չի ուզում, ձայն չի տալիս, ինչ կարող են անել։

Пожилая пара на одном из избирательных участков  во время внеочередных парламентских выборов в Армении (20 июня 2021). Еревaн - Sputnik Արմենիա, 1920, 20.06.2021
Որոշ ընտրողների զարմացրել է «22» համարի քվեաթերթիկի բացակայությունը

«Եթե ամեն ինչ կարգ ու կանոնով գնում է, ինչու անտեղի աղմուկ բարձրացնել։ Այսօր ժողովուրդը լիարժեք քվեարկում է, ում վստահում է, ում հավատում է, ձայնը տալիս է։ Եթե ժողովուրդը չի ցանկացել, ձայն չի տվել, ի՞նչ անեմ»,- նշեց Ծառուկյանը։

Անդրադառնալով խորհրդարան անցնելու դեպքում Նիկոլ Փաշինյանի գլխավորած կուսակցության հետ կոալիցիա կազմելու հարցին՝ Ծառուկյանը կարճ պատասխան տվեց. «Բացառում եմ»։

Ի պատասխան լրագրողի այն հարցին, թե արդյոք Փաշինյանի թիմակից դարձած Խաչատուր Սուքիասյանը կարո՞ղ է ազդել Ծառուկյանի որոշման վրա, նա ծիծաղեց.

«Ծառուկյանի վրա ո՞վ կարող է ազդել, դու քո ասածին հավատացի՞ր։ Ծառուկյանին ձերբակալեցին, չկարողացան վրան ազդել, անիմաստ, դատարկ խոսակցություն է»,- ասաց նա։

«Բարգավաճ Հայաստան» կուսակցության վարչապետի թեկնածուն նաև հերքեց այն խոսակցությունները, թե նպատակ ունի փակել քաղաքականության էջը։

Второй президент Армении Роберт Кочарян во время внеочередных парламентских выборов в Армении (20 июня 2021). Еревaн - Sputnik Արմենիա, 1920, 20.06.2021
«Կասկածո՞ւմ եք»․ Ռոբերտ Քոչարյանը քվեարկեց ու գնահատեց իր շանսերը

Ասաց, որ իր հնարավորությունները շարունակելու է օգտագործել հանուն իր հայրենիքի ու ժողովրդի։

Նշենք, որ այսօր առավոտյանը ժամը 08։00–ին Հայաստանում տրվեց ԱԺ արտահերթ ընտրությունների մեկնարկը 2008 ընտրատեղամասում։ Տեղամասերից 479–ը տեղակայված են մայրաքաղաք Երևանում, 1 529–ը` մարզերում։

Ընտրողների ցուցակներում այս պահին ընդգրկված է 2 մլն 593 հազար 572 ընտրող: Բոլոր քաղաքական ուժերի ընտրական ցուցակներում միասին վերցրած ընդգրկված է 2510 թեկնածու: Ընտրություններին կհետևեն 8 միջազգային և օտարերկրյա դիտորդական առաքելություն իրականացնող կազմակերպություններ՝ թվով 833 միջազգային դիտորդներ։

Արտահերթ ընտրություններին մասնակցում է 25 քաղաքական ուժ, որից 4-ը դաշինք են, 21-ը` կուսակցություն։

Ուր զանգել ընտրությունների ժամանակ խնդիր տեսնելիս․ ՄԻՊ-ը հեռախոսահամարներ է տրամադրել

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала