Հայաստանում ընտրելու իրավունք ունեցող 2 593 572 քաղաքացիներից արտահերթ ընտրություններին մասնակցել է 1 281 174–ը կամ 49.4 տոկոսը։ Այս մասին րոպեներ առաջ ԿԸՀ–ում կայացած ասուլիսում հայտնեց ՀՀ ԿԸՀ նախագահ Տիգրան Մուկուչյանը։
Պաշտոնական տվյալներով` Երևանում ընտրելու իրավունք ունեցող 859 000 քաղաքացիներից քվեարկությանը մասնակցել են 442 846–ը կամ 51.55 %–ը, Արագածոտնի մարզում 117 472 ընտրողից քվեարկությանը մասնակցել է 58 837–ը կամ 50%–ը, Արարատում 223 360 ընտրողներից ընտրություն է կատարել 113 625–ը կամ 50.87 %–ը, Արմավիրի մարզում 235 840 ընտրողներից քվեարկությանը մասնակցել է 104 880–ը կամ 44.47%–ը, Գեղարքունիքում 189 527 ընտրողներից քվեարկել է 86 173 –ը կամ 45.47 %–ը, Լոռիում գրանցված 233 552 ընտրողից քվեարկել է 109 141 –ը կամ 46.73 %–ը, Կոտայքում 242 022 ընտրողներից ընտրությանը մասնակցել են 121 212–ը կամ 50.08 %–ը, Շիրակի մարզում գրանցված 226 763 ընտրողներից քվեարկել է 93 510–ը կամ 41.24 %–ը, Սյունիքում` 109 726 ընտրողներից քվեարկությանը մասնակցել է 66 252–ը կամ 60.38 %–ը, Վայոց Ձորի մարզում 46 620 ընտրողներից քվեարկել է 26 132–ը կամ 56.5 %–ը և Տավուշի մարզում գրանցված 109 690 ընտրողներից քվեարկել են 58 666–ը կամ 53.48%–ը։
Ոստիկանության հատուկ նշանակության ուժերը գործողություն են իրականացրել Երևանում. տեսանյութ
Հիշեցնենք` այսօր Հայաստանում քվեարկություն է անցկացվել 2008 ընտրատեղամասերում։ Ընտրողների ցուցակներում ընդգրկված են 2 593 572 մարդ։
Խորհրդարանական ընտրություններին մասնակցում են 21 կուսակցություն և 4 դաշինք։
Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։
Արզաքանցյանն ահազանգում է, որ ընտրատեղամասերից մեկում բացակայում են ՀԴԿ ընտրաթերթիկները
