ԵՐԵՎԱՆ, 21 հունիսի – Sputnik. Եվրոպական խորհրդի նախագահ Շառլ Միշելը շնորհավորել է ՀՀ վարչապետի պաշտոնակատար Նիկոլ Փաշինյանին ԱԺ արտահերթ ընտրություններում տարած հաղթանակի կապակցությամբ: Twitter-ի իր էջում ԵԽ ղեկավարը գրում է, որ Եվրոպական միությունը սատարում է Հայաստանին բարեփոխումների հետագա խորացման գործընթացում:
«Մենք նաև պատրաստ ենք հետագայում ևս աջակցել տարածաշրջանային կայունացմանը և ղարաբաղյան հակամարտության համապարփակ կարգավորմանը», - գրել է Շառլ Միշելը:
Warm congratulations to @NikolPashinyan on elections victory.
— Charles Michel (@eucopresident) June 21, 2021
The EU stands by Armenia 🇦🇲 in support of deepening reforms.
We are also ready to further support regional stabilisation and comprehensive conflict settlement.
Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացիներից ընտրությանը մասնակցեցին 1 281 174–ը կամ 49.4 տոկոսը։
Փաշինյանի կուսակցության արդյունքները չեն արտացոլում ՀՀ–ում տիրող իրական վիճակը․ փորձագետ
ԿԸՀ–ն արդեն ամփոփել է բոլոր 2008 ընտրատեղամասերի նախնական արդյունքները, որոնց համաձայն` «Քաղաքացիական պայմանագիր» կուսակցությունը ստացել է 687 251 քվե (53.92%), «Հայաստան» դաշինքը՝ 268 165 (21.04%), «Պատիվ ունեմ» դաշինքը՝ 66 633 (5.23%), «Բարգավաճ Հայաստան» կուսակցությունը՝ 50 419 (3.95), «Հանրապետություն» կուսակցությունը՝ 38 713 (3,04), «Հայ ազգային կոնգրես» կուսակցությունը՝ 19 674 (1.54), «Լուսավոր Հայաստան» կուսակցությունը` 15 557 (1.22)։
«Իմ ցավը մի քիչ թեթևացավ, որ դուք մնացիք». զոհվածի մայրը` Եռաբլուր այցելած Փաշինյանին
