Մոտ օրերս ռուս զինվորականները կհաստատվեն Գեղարքունիքից մինչև Սյունիք. Գնել Սանոսյան

© Sputnik / Asatur YesayantsАрмянский и азербайджанский посты у Сотка
Армянский и азербайджанский посты у Сотка - Sputnik Արմենիա, 1920, 21.06.2021
Եռակողմ աշխատանքներ ու բանակցություններ են տարվում՝ ադրբեջանական զորքը ՀՀ տարածքից հետ քաշելու համար։

ԵՐԵՎԱՆ, 21 հունիսի – Sputnik. Գեղարքունիքի մարզում մոտ օրերս կտեղակայվեն ռուս զինվորականներ։ Այս մասին Sputnik Արմենիայի հետ զրույցում ասաց Գեղարքունիքի մարզպետ Գնել Սանոսյանը։

Նա նշեց, որ վերջին օրերին սահմանում իրադրությունը համեմատաբար կայուն է, միջադեպեր չեն գրանցվել, մեր զինվորները շարունակում են ծառայությունը։

«Զուգահեռ շարունակվում են եռակողմ բանակցություններ, կատարվում են տեղակայման աշխատանքներ։ Մոտ օրերս ռուս դիրքապահները տեղակայվեն ամբողջ սահմանի երկայնքով՝ Գեղարքունիքով, Խոզնավարով մինչև Սյունիք», - ասել է նա։

Встреча глав МО Армении и России Вагаршака Арутюняна и Сергея Шойгу (28 мая 2021). Еревaн - Sputnik Արմենիա, 1920, 21.06.2021
Հարությունյանն ու Շոյգուն քննարկել են սահմանային իրավիճակը Սյունիքում և Գեղարքունիքում

Սանոսյանը հստակեցրել է, որ ինքը անձամբ չկա բանակցողների մեջ, սակայն տեղյակ է գործընթացից։

«Բանակցություններ են տարվում, որ երկու կողմն էլ հետ քաշվեն՝ և՛ մերոնք, և՛ նրանք։ Այս պայթյունավտանգ իրավիճակում դա բավականին լավ լուծում է, որ չունենանք ծեծկռտուք, կրակոցներ, միջադեպեր: Երկու կողմն էլ հետ կքաշվեն, սահմանին կայունություն կունենանք, որից հետո մնացած գործընթացները կշարունակվեն», - ասել է Սանոսյանը։

Նշենք, որ ադրբեջանցի զինվորականները մայիսի 12-ից Հայաստանի Սյունիքի մարզի Սև լճի տարածքում և Գեղարքունիքի մարզի Կութ, Նորաբակ ու Վերին Շորժա գյուղերի սահմանային տարածքներում ներխուժել են ՀՀ ինքնիշխան տարածք ու փորձում են ամրապնդվել այնտեղ։ Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

Հայաստանում մեկնարկել է ամառային զորակոչը

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցություններն արդյունք չտան։

Մայիսի 25-ին Գեղարքունիքի մարզի Վերին Շորժա գյուղի հատվածում հակառակորդի կողմից արձակված կրակոցներից սպանվել է զինծառայող, կրտսեր սերժանտ Գևորգ Խուրշուդյանը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала