Фон для радио  - Sputnik Արմենիա, 1920
ՌԱԴԻՈ

«Քաղաքագետները չարաչար սխալվում են». ԲՀԿ–ն գնահատական կտա ընտրությունների վերաբերյալ

© Sputnik / Zara MikaСекретарь фракции "Процветающая Армения" Арман Абовян в гостях радио Sputnik
Секретарь фракции Процветающая Армения Арман Абовян в гостях радио Sputnik - Sputnik Արմենիա, 1920, 21.06.2021
«Բարգավաճ Հայաստան» խմբակցության քարտուղար Արման Աբովյանը Sputnik Արմենիայի եթերում անդրադարձել է հունիսի 20-ին կայացած արտահերթ խորհրդարանական ընտրությունների արդյունքներին։
Աբովյան. Մանդատը բնավ չի կարող հանդիսանալ պարտադիր պայման հայրենիքին ծառայելու համար

Արման Աբովյանի խոսքով` խորհրդարան ԲՀԿ–ի չանցնելու հետ համակերպվել–չհամակերպվելու խնդիր ընդհանրապես չկա, քանզի իրենք երբեք մանդատակռիվ չեն արել, և մանդատը բնավ չի կարող հանդիսանալ պարտադիր պայման հայրենիքին ծառայելու համար։

«Չարաչար սխալվում են քաղաքագետները կամ այն մարդիկ, որոնք կարծում են, որ ԲՀԿ–ն այնքան էլ հակված չէր խորհրդարան անցնել ընտրարշավի փուլից սկսած։ Մենք առավել քան ակտիվ քարոզարշավ էինք իրականացնում, սակայն միտումնավոր չմտանք ատելության ու լարվածության գեներացման դաշտ»,– նշեց «Բարգավաճ Հայաստան» խմբակցության քարտուղարը։

Անդրադառնալով այն հարցին, թե ինչու ԲՀԿ–ն չանցավ խորհրդարան, Աբովյանն ընդգծեց, որ պատճառը ռադիկալիզացիան էր, ինչին միշտ իրենք եղել են դեմ, սակայն այս ընտրություններում հաղթեց հենց այդ երևույթը։ Ըստ նրա` ԲՀԿ–ն շարունակելու է կուսակցական գործունեությունը, պետականամետ ու հայապահպան գործունեությունը, և այդ առումով նախագծերում ոչ մի էական փոփոխություն չկա։

Дмитрий Песков  - Sputnik Արմենիա, 1920, 21.06.2021
Մոսկվան Փաշինյանի կուսակցության համոզիչ հաղթանակի առթիվ շնորհավորել է Հայաստանի ժողովրդին

Աբովյանի կարծիքով` երբ ընտրախախտումների հետ կապված պատկերն ավելի հստակ կլինի, այդժամ ԲՀԿ–ի քաղխորհուրդը կհավաքվի ու կտա գնահատական կայացած ընտրությունների վերաբերյալ։    

Հիշեցնենք` հունիսի 20-ին Հայաստանում քվեարկություն է անցկացվել 2008 ընտրատեղամասերում։

Հայաստանում ընտրելու իրավունք ունեցող 2 593 572 քաղաքացիներից արտահերթ ընտրություններին մասնակցել է 1 281 174–ը կամ 49.4 տոկոսը։

Կուսակցությունների համար անցողիկ շեմը Ընտրական օրենսդրությամբ 5 տոկոս է, դաշինքների համար՝ 7 տոկոս։ Ընտրողների մասնակցության շեմ չկա։

Փաշինյանի կուսակցության արդյունքները չեն արտացոլում ՀՀ–ում տիրող իրական վիճակը․ փորձագետ

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала