Օձունի համայնքապետի հաղորդման հիման վրա քրեական գործ է հարուցվել. Գոռ Աբրահամյան

© Photo : Facebook / Gor AbrahamyanСоветник генерального прокурора Армении Гор Абрамян
Советник генерального прокурора Армении Гор Абрамян - Sputnik Արմենիա, 1920, 22.06.2021
Բաժանորդագրվեք
НовостиTelegram
«Հայաստան» դաշինքի հայտարարության համաձայն՝ Օձունի համայնքապետին մարզպետարանում ծեծել են մարզպետի պահանջը չկատարելու համար։

ԵՐԵՎԱՆ, 22 հունիսի - Sputnik․ Օձունի համայնքապետ Արսեն Տիտանյանը ոստիկանությունում հաղորդում է տվել իր նկատմամբ կատարված հանցագործության վերաբերյալ։ Տեղեկությունը Facebook-ի իր էջում հայտնում է ՀՀ գլխավոր դատախազի խորհրդական Գոռ Աբրահամյանը։ Նրա տեղեկացմամբ՝ գլխավոր դատախազը հանձնարարել է այդ հաղորդման հիման վրա անմիջապես քրեական գործ հարուցել։

«Հարուցումից հետո քրեական գործն անհապաղ պահանջվելու է՝ քննչական ենթակայության կարգով ՀՀ հատուկ քննչական ծառայություն ուղարկելու համար»,- նշված է գրառման մեջ։

Հիշեցնենք՝  «Հայաստան» դաշինքի նախընտրական կենտրոնական շտաբի պաշտոնական ներկայացուցիչ Արամ Վարդևանյանն այսօր հայտարարել էր, որ երկրում սկսվել են քաղաքական բռնաճնշումներ։ Նրա խոսքով՝ ահազանգեր են եղել այն բոլոր համայնքներից, որոնցում խորհրդարանական արտահերթ ընտրություններում համայնքների ղեկավարները «Հայաստան» դաշինքի համախոհները կամ թիմակիցներն են եղել։ Վարդևանյանի խոսքով՝ համայնքապետներին սպառնալիքներով որդորում են ինքնակամ հրաժարական տալ։ Ժամեր առաջ էլ Լոռու մարզպետարանում նման պահանջ է դրվել Օձունի համայնքապետ Արսեն Տիտանյանի առջև, և երբ նա հրաժարվել է կատարել մարզպետի պահանջը, հենց մարզպետարանի շենքում ծեծի է ենթարկվել։

Լրահոս
0