Երևանյան կրիմինալը. ապամոնտաժվել են ապօրինի կրպակներ, Աջափնյակի ղեկավարը հրաժարական է տվել

© Photo : official site of Yerevan municipalityМэр Еревaна Айк Марутян представил аппарату административного района Нор Норк нового руководителя Айка Мгряна (30 октября 2018). Еревaн
Мэр Еревaна Айк Марутян представил аппарату административного района Нор Норк нового руководителя Айка Мгряна (30 октября 2018). Еревaн - Sputnik Արմենիա, 1920, 23.06.2021
Ոստիկանության աջակցությամբ ապամոնտաժել են համայնքի հողի վրա վերջին օրերին հիմնականում գիշերային ժամերին կառուցված ապօրինի կրպակները:

ԵՐԵՎԱՆ, 23 հունիսի – Sputnik. Երևանի քաղաքապետ Հայկ Մարությանի կարգադրությամբ մի շարք հասցեներում ապամոնտաժվել են ապօրինի շինություններ: Տեղեկությունը հայտնում է քաղաքապետի մամուլի քարտուղար Հակոբ Կարապետյանը։

Мэр Еревана Айк Марутян - Sputnik Արմենիա, 1920, 22.06.2021
Կրիմինալ խմբավորումներ են գործում. քաղաքապետը՝ Երևանում ապօրինի շինարարության մասին

Նշվում է, որ Աջափնյակ վարչական շրջանի Հալաբյան, Մարգարյան և Հասրաթյան փողոցներում Երևանի քաղաքապետարանի համապատասխան ստորաբաժանումները, ՀՀ ոստիկանության ուժերի գործուն աջակցությամբ ապամոնտաժել են համայնքի հողի վրա վերջին օրերին՝ հիմնականում գիշերային ժամերին կառուցված ապօրինի կրպակները: Ինքնակամ կառուցված կրպակներ են քանդվել նաև Շենգավիթ վարչական շրջանում:

«Որոշ հասցեներում ինքնակամ կառույցների սեփականատերերը խոստացել են խիստ սեղմ ժամկետներում սեփական միջոցներով քանդել ապօրինի կառույցները»,–նշում է Կարապետյանը:

Հիշեցնենք`Երևանի ավագանու նիստում Հայկ Մարությանը, անդրադառնալով օրեցօր ավելացող ապօրինի կրպակներին ու շինություններին, հայտարարել էր, որ Աջափնյակ վարչական շրջանում ապօրինի շինարարության հարցում գործում է հանցավոր խումբ, որում ներգրավված են բազմաթիվ մարդիկ պետական մարմիններից, դատական համակարգից, թաղային հեղինակություններ։

Քաղաքապետը նշել էր, որ նախորդ տարվա դեկտեմբերից մինչև այսօր Աջափնյակ վարչական շրջանում իրավախախտման վերաբերյալ կազմվել է 60 վարչական արձանագրություն, որից 45-ը համայնքային հողամասի վրա, 15-ը՝ սեփական հանդիսացող հողամասի։

Քանդում և ապամոնտաժում է իրականացվել թվով 34 հասցեներում։

Չսեփականաշնորհված շարժական կրպակները, առևտրի տաղավարներն ու ավտոտնակները կհեռացվեն

Նշենք, որ մամուլում լուրեր են տարածվել, որ աշխատանքից ազատման դիմում է ներկայացրել Աջափնյակ վարչական շրջանի ղեկավար Հայկ Մհրյանը։

Նա դիմումը ներկայացրել է ընտրություններից մեկ օր անց՝ հունիսի 21-ի ուշ գիշերը, որը, մեր տեղեկություններով, երեկ հաստատվել է։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала