Քվեաթերթիկների վերահաշվարկը կատարված է. հայտնի է` երբ կհրապարակվեն արդյունքները

© Sputnik / Aram NersesyanПовторный подсчет голосов (23 июня 2021). Еревaн
Повторный подсчет голосов (23 июня 2021). Еревaн - Sputnik Արմենիա, 1920, 23.06.2021
ԿԸՀ քարտուղար Արմեն Սմբատյանը Sputnik Արմենիային հայտնել է, թե երբ է նախատեսվում հրապարակել վերահաշվարկված 80 ընտրատեղամասերի քվեարկության արդյունքները։

ԵՐԵՎԱՆ, 23 հունիսի – Sputnik. Հայաստանի շուրջ 80 ընտրական տեղամասերում երեկվանից իրականացվում են արտահերթ ընտրությունների քվեարկության արդյունքների վերահաշվարկ։

Сотрудник избирательной комиссии собирает пакет бюллетеней в избирательном участке 29/29 (20 июня 2021). Ариндж - Sputnik Արմենիա, 1920, 22.06.2021
Ավելի քան 70 ընտրական տեղամասերում վերահաշվարկ կիրականացվի. ԿԸՀ

Ինչպես հայտնում է Կենտրոնական ընտրական հանձնաժողովը` օրենքով սահմանված ժամկետում վերահաշվարկի դիմումներ են ներկայացվել թվով 27 տեղամասերի քվեարկության արդյունքների վերաբերյալ։ Ու, թեև դրանցից միայն 3-ն են ներկայացված եղել իրավասու սուբյեկտների կողմից, բայց ԿԸՀ–ն որոշել է դրական ընթացք տալ բոլոր 27 դիմումներին։

Եվս մի քանի տասնյակ տեղամասերի վերաբերյալ ստացվել են քվեարկության արդյունքներն անվավեր ճանաչելու մասին դիմումներ։ Իսկ որոշ տեղամասերում ընտրական հանձնաժողովներն իրենց նախաձեռնությամբ էին որոշել վերահաշվարկ կատարել` հնարավոր թերություններն ու անճշտությունները վերացնելու համար։

Գյումրու մի շարք տեղամասերում քվեաթերթիկների վերահաշվարկ կիրականացվի

Կենտրոնական ընտրական հանձնաժողովի քարտուղար Արմեն Սմբատյանը Sputnik Արմենիային հայտնեց, որ վերահաշվարկված 80 ընտրատեղամասերի քվեարկության արդյունքների վերջնական տվյալները կհրապարակվեն այսօր երեկոյան։

«Մենք օրվա վերջում կտանք արդյունք, թե երեկ և այսօր ինչպիսի հաշվարկներ են տեղի ունեցել, որ տեղամասերում, և, եթե փոփոխվել են արդյունքները, ինչ արդյունքներ են գրանցվել»,– ասաց Սմբատյանը։

Նշենք, որ Ընտրական օրենսգրքով` վերահաշվարկի դիմումների ընդունման վերջնաժամկետը հունիսի 22-ի ժամը 11.00-ն է: Սա նշանակում է, որ վերահաշվարկվող տեղամասերի թիվն այլև չի ավելանա։

Իսկ ընտրության վերջնական արդյունքները` անճշտությունների, վերահաշվարկների արդյունքում կատարված փոփոխություններով հանդերձ, կհրապարակվեն առաջիկա կիրակի օրը` հունիսի 27-ին։

«Հայաստան» դաշինքն ընտրությունների արդյունքի առնչությամբ կդիմի Սահմանադրական դատարան

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала