Ընտրության արդյունքներն անկանխատեսելի էին. Փաշինյանը շարունակում է խորհրդակցությունները

© Photo / official site of the Prime minister of RAИ.о. премьер-министра Никол Пашинян встретился с Тиграном Арзаканцяном в рамках политических консультаций с внепарламентскими политическими силами (23 июня 2021). Еревaн
И.о. премьер-министра Никол Пашинян встретился с Тиграном Арзаканцяном в рамках политических консультаций с внепарламентскими политическими силами (23 июня 2021). Еревaн - Sputnik Արմենիա, 1920, 23.06.2021
ՆԻկոլ Փաշինյանը հանդիպել է 4 արտախորհրդարանական ուժերի ղեկավարների հետ, քննարկել ստեղծված իրավիճակն ու դրանից դուրս գալու ելքերը։

ԵՐԵՎԱՆ, 23 հունիսի – Sputnik. ՀՀ վարչապետի պաշտոնակատար Նիկոլ Փաշինյանն այսօր արտախորհրդարանական մի շարք քաղաքական ուժերի ղեկավարների հետ խորհրդակցություններ է անցկացրել։ Նա, մասնավորապես, հանդիպել է «Ինքնիշխան Հայաստան» կուսակցության նախագահ Դավիթ Սանասարյանի, Պահպանողական կուսակցության նախագահ Միքայել Հայրապետյանի, «Ալյանս» կուսակցության նախագահ Տիգրան Ուրիխանյանի, Հայաստանի դեմոկրատական կուսակցության վարչապետի թեկնածու Տիգրան Արզաքանցյանի հետ։

Փաշինյանը նշել է, որ ընտրությունները համարում է Հայաստանում ժողովրդավարության հաղթանակը, որովհետև դրա արդյունքներն ամենևին էլ կանխատեսելի չէին, այլ, ընդհակառակը, անկանխատեսելի էին:

Դավիթ Սանասարյանն իր հերթին արձագանքել է, թե կուսակցությունում հավաքված են մարդիկ, որոնք իրենց համարում են 2018 թվականի հեղափոխության կրողները, ուստի ամեն ինչ անելու են, որ հեղափոխության հարթակից այն, ինչ խոսք են տվել, իրականություն դառնան:

«Մենք ձեզ քննադատել ենք նաև տարբեր հարցերով՝ սկսած հեղափոխության հարթակից տված խոստումների կիսատ մնացած հարցից, այն հարցից, որ նախկին իշխանությունները՝ ժողովրդին կեղեքած, թալանած և ժողովրդի վրա ուժ գործադրած, ոչ միայն չեն գտնվում համապատասխան քրեակատարողականներում, այլ նաև հայտ էին ներկայացրել ժողովրդից խլելու ժողովրդի իշխանությունը»,–ասել է նա։

Սանասարյանի խոսքով` կան ընդդիմադիր ուժեր, որոնց հետ որևիցե քայլ իրենք չեն պատկերացնում, բայց կան հարցեր, որոնք պետք է նստեն, միասին հասկանան։

Հայաստանի դեմոկրատական կուսակցության վարչապետի թեկնածու Տիգրան Արզաքանցյանն էլ նշել է, որ իրեն համարում է հայրենասեր հայ և կուզենար անձամբ իր հայրենիքի համար իր գիտելիքներն ու ծրագրերը, ներդրումները, որ ժամանակին կատարել է, լինեն արդյունավետ, մեր երկրին ծառայեն. այսօրվա իշխանության հետ բանակցությունները կշարունակվեն:

«Ես մրցավազքից դուրս չեմ մնացել»․ Արզանքանցյանն ամեն դեպքում հույս ունի վարչապետ դառնալ

«Մենք պետք է շարունակենք, որ, ամենակարևորը, կարողանանք մեր երկրի անունը բոլոր տեղերում բարձր պահել ու զարգացնել: Այս ընտրության արդյունքներն էլ արդեն բոլորիս համար պարզ են: Դրանով, կրկին ասում եմ, կյանքը չի վերջանում: Մենք պատրաստ ենք արդյունավետ համագործակցել ու քննարկել բոլոր հարցերը»,–նշել է Արզաքանցյանը։

Պահպանողական կուսակցության նախագահ Միքայել Հայրապետյանն էլ կարծում է, որ վիճարկելի չեն այս ընտրությունների արդյունքները, բայց ընտրությունները ցույց տվեցին, որ ազգային համաձայնության անհրաժեշտություն կա:

Մայր աթոռը ողջունում է Նիկոլ Փաշինյանի երկխոսության առաջարկը

«Դրա հակառակը Հայաստանում քաոսն է, որը հայկական օրակարգ չէ, և մենք ոչ միայն չենք սպասարկի, այլև դեմ կգնանք այդ քաոսին, որ ուժի կողմից էլ այն հրահրվի: «Պահպանողական» կուսակցությունը պատրաստ է ցանկացած մարտահրավերի պարագայում սատար լինել և օգտակար լինել, որովհետև մենք բոլորս մեկ նավի վրա ենք»,–ասել է նա։

«Ալյանս» կուսակցության նախագահ Տիգրան Ուրիխանյանի հավաստմամբ էլ մարդկանց մեծամասնությանն առանձնապես չի հետաքրքրում, թե ովքեր են պատասխանատու իրենց այս կամ այն ոլորտի կազմակերպման համար, կամ իշխանության համար, առանձնակի տեղեկացվածության իմաստով, չեն էլ հետաքրքրվում: Մարդիկ, ըստ նրա, ուղղակի ուզում են ապրել կայուն կյանքով, մարդիկ ուզում են ապրել, իհարկե, սոցիալապես ապահովված կյանքով: Առավել ևս՝ առանց պատերազմի, առանց ցնցումների:

Նշենք, որ Փաշինյանը մինչ այս հանդիպել էր մի շարք ուժերի հետ` ԼՀԿ ղեկավար Էդմոն Մարուքյանի, «Արդար Հայաստանի» ղեկավար Նորայր Նորիկյանի, «Հանրապետություն» կուսակցության ղեկավար Արամ Սարգսյանի հետ։

Բանալի բառը «բոլորի վարչապետ լինելն է»․ հանդիպել են Նիկոլ Փաշինյանն ու Արամ Սարգսյանը

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала