«Այս պահին աշխատանք չեմ փնտրում». ի՞նչ ծրագրեր ունի Էդմոն Մարուքյանը

© Sputnik / Andranik GhazaryanВыступление Эдмона Марукяна во время заседания партии "Просвещенная Армения" (23 мая 2021). Еревaн
Выступление Эдмона Марукяна во время заседания партии Просвещенная Армения (23 мая 2021). Еревaн - Sputnik Արմենիա, 1920, 24.06.2021
Բաժանորդագրվեք
Էդմոն Մարուքյանը նշեց` Նիկոլ Փաշինյանի կողմից աշխատանք ստանալու առաջարկի մասին լուրերը ֆանտազիայի բնագավառից են։

ԵՐԵՎԱՆ, 24 հունիսի – Sputnik. «Լուսավոր Հայաստան» կուսակցության ղեկավար Էդմոն Մարուքյանն իրեն խորհրդարանից դուրս այլ պաշտոնում չի պատկերացնում։ Մարուքյանը նման կարծիք հայտնեց այսօր հրավիրված ասուլիսի ժամանակ` պատասխանելով հարցին, թե ճի՞շտ են լուրերը, որ վարչապետի պաշտոնակատար Նիկոլ Փաշինյանը նրան աշխատանք է առաջարկել։

И.о. премьер-министра Никол Пашинян во время внеочередных парламентских выборов в Армении (20 июня 2021). Еревaн - Sputnik Արմենիա, 1920, 24.06.2021
ՀՀ պատմության ամենաանկանխատեսելի ընտրություններն էին. Փաշինյան

Փաշինյանը վերջին երկու օրերին հանդիպում է արտախորհրդարանական մի շարք ուժերի ղեկավարների հետ։ Էդմոն Մարուքյանի հետ հանդիպումն արդեն կայացել է։

«Փաշինյանի կողմից եղել է առաջարկ, մենք էլ համաձայնել ենք հանդիպել, այսինքն` երբևէ որևէ նման առաջարկ մենք չենք մերժել։ Ինչ վերաբերում է աշխատանքի առաջարկին, ապա որևէ նման քննարկում չի եղել, ֆանտազիայի բնագավառից է»,–ասաց Մարուքյանը։

Նա հավելեց, որ որպես միջազգային ԱԼԴԵ դաշինքի անդամ շարունակելու է իր արտախորհրդարանական գործունեությունը։ Մարուքյանի խոսքով` այս պահին աշխատանք չի փնտրում, պետք է կուսակցության հարցերով էլ զբաղվի, վերադասավորումներ անի։

Անդրադառնալով ընտրությունների արդյունքներին` Մարուքյանը նշեց, որ Հայաստանում հաղթել են մուրճի ու մանգաղի օրակարգերը` ժողովուրդն է դա որոշել։ Նա հավելեց, որ չի կարծում` այս խորհրդարանն ավելի լավն է լինելու, քան նախորդը։

Վերահաշվարկի արդյունքներն ամփոփվեցին. որ ուժի ձայներն են ավելացել կամ պակասել

«Ժողովուրդը պետք է վերահաստատեր հեղափոխությունը, այսինքն` Նիկոլ Փաշինյանից դժգոհելով` գնացին ու նրան ընտրեցին, որ մյուսներն իշխանության չգան»,–ասաց Մարուքյանը։

Հիշեցնենք, որ ԼՀԿ–ն ընտրությունների արդյունքում չհավաքեց անհրաժեշտ քանակի քվեներ խորհրդարան անցնելու համար։

«Իսկական» «գելափներն» էլ են սխալվում. ինչու հայերը չեն վստահում սոցիոլոգիական հարցումներին

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала