Գերիների հարազատները դադարեցնում են նստացույցը. Տիգրան Ամբարդարյանն ասել է` ինչու

© Sputnik / Andranik GhazaryanОтец одного из попавших в азербайджанский плен военнослужащих беседует с журналистами во время сидячей акции протеста у Дома правительства (24 июня 2021). Еревaн
Отец одного из попавших в азербайджанский плен военнослужащих беседует с журналистами во время сидячей акции протеста у Дома правительства (24 июня 2021). Еревaн - Sputnik Արմենիա, 1920, 24.06.2021
Բաժանորդագրվեք
Գերեվարված տղայի եղբայրը` Տիգրան Ամբարդարյանը, նաև ներկայացրել է քննարկման ժամանակ իրենց առաջադրած պայմանները։

ԵՐԵՎԱՆ, 24 հունիսի – Sputnik. Կառավարության մոտ երեկվանից նստացույց իրականացնող գերիների հարազատները դադարեցնում են նստացույցը։ Այս մասին Facebook–ի իր էջում հայտնել է գերեվարված Մելս Ամբարդարյանի եղբայրը` Տիգրան Ամբարդարյանը։

Ռուսաստանն արել և անում է անհնարինը, որ գերիները վերադարձվեն. Կոպիրկին

Նա նաև ներկայացրել է նստացույցը դադարեցնելու  պատճառները։

«Այսօր կառավարությունից մեզ հրավիրեցին, և մենք հանդիպեցինք կառավարության ներկայացուցիչների հետ։ Մեզ լսեցին և քննարկեցինք մեր առաջարկած պայմանները»,–գրել է Ամբարդարյանը և ներկայացրել իրենց պայմանները։

Դրանք են.

  1. Ստեղծել ժամանակավոր հանձնաժողով, որը անընդհատ անմիջական կապ պետք է ունենա գերիների հարազատների հետ (խոստացել են ձևավորել վաղը` 25.06.2021-ին)։
  2. Քննարկման արդյունքում համաձայնեցինք լրացուցիչ ժամանակ տրամադրել կառավարությանը` շարունակելու ջանքերը և մոտ ժամանակում տեղեկացնելու կատարված աշխատանքների մասին։

«Եթե քննարկված բոլոր պայմանները և պահանջները չպահպանվեն մինչև հուլիսի կեսերը, ես կվերսկսեմ նստացույցը և ավելի լայն բողոքի ակցիաներ կբարձրացնեմ ընկերներիս հետ միասին»,–գրել է նա։

И.о. министра ОНКС Ваграм Думанян заходит в Дом правительства во время сидячей акции протеста родственников попавших в азербайджанский плен военнослужащих (24 июня 2021). Еревaн - Sputnik Արմենիա, 1920, 24.06.2021
«Շտապելու տեղ չունենք». ինչ են պատրաստվում անել գերիների հարազատները

Հիշեցնենք, որ Շիրակից գերի ընկած որոշ տղաների հարազատնեը երեկ ուշ երեկոյան կառավարության առջև սկսեցին նստացույց անել։ Նրանք գիշերն այստեղ են անցկացրել։ Գերիների հարազատները նման քայլի են դիմել, քանի որ երեկ փակ հանդիպում է եղել վարչապետի պաշտոնակատար Նիկոլ Փաշինյանի հետ, որի արդյունքներն իրենց չեն բավարարել։

Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերի։ Այդպիսով, Հայաստան վերադարձած գերիների թիվը դարձավ 88։

Դրանից հետո ՀՀ վարչապետի պաշտոնակատար Նիկոլ Փաշինյանը հայտարարել էր, որ Ադրբեջանում պահվող հայ գերիների ճշտված թիվը 60 է, չճշտվածներինը՝ 110։ Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала