Կեղծ ահազանգի պատճառով ինձ 1,5 ժամ մեկուսացրել են ընտրական պրոցեսից. Այգեստանի համայնքապետ

© Sputnik / Asatur YesayantsСократ Овсепян
Сократ Овсепян - Sputnik Արմենիա, 1920, 26.06.2021
Բաժանորդագրվեք
Այգեստանի համայնքապետի խոսքով` ԱԺ արտահերթ խորհրդարանական ընտրությունների օրը ոստիկանները մոտեցել են իրեն և հայտնել,որ ահազանգ են ստացել, թե նա ուղղորդում է ընտրողներին:

ԵՐԵՎԱՆ, 26 հունիսի – Sputnik. Կեղծ ահազանգի պատճառով Այգեստանի համայնքապետ Սոկրատ Հովսեփյանին մեկուկես ժամ մեկուսացրել են ընտրական պրոցեսից և թույլ չեն տվել հետևել գործընթացին: Այս մասին նա հայտարարեց «Հայաստան» դաշինքի մամուլի սրահում տեղի ունեցած ասուլիսի ժամանակ:

«15/17 տեղամասում ես վստահված անձ էի, հանգիստ հետևում էի ընտրությունների ընթացքին։ Ոստիկանները մոտեցան ինձ և ասացին, որ ահազանգ են ստացել, որ ես ուղղորդում եմ ընտրողներին: Կեղծ ահազանգի պատճառով ինձ 1,5 ժամ մեկուսացրել են ընտրական պրոցեսից և թույլ չեն տվել հետևել գործընթացին»,- ասաց նա:

Սոկրատ Հովսեփյանը ՀՀ ոստիկանապետից պահանջում է բացահայտել, թե ով է ահազանգողը:

Նշենք, որ այսօր «Հայաստան» դաշինքը ՀՀ գործադիր իշխանությունից պահանջել էր անհապաղ դադարեցնել քաղաքական հայացքներով պայմանավորված հալածանքներն ու բռնությունները, իսկ ժողովրդին կոչ էր արել չլքել հայրենիքը։

Հիշեցնենք, որ դեռ ընտրությունների օրը վարչապետի աշխատակազմի ղեկավար Արսեն Թորոսյանն ակնարկել էր տեղական ինքնակառավարման մարմիններում կադրային զտումների մասին։

Арам Хачатрян - Sputnik Արմենիա, 1920, 23.06.2021
Լոռու մարզպետը 7–8 մարդու ներկայությամբ ծեծել է Օձունի համայնքապետին

Նրա խոսքով՝ բոլոր այն համայնքապետները, քաղաքապետները, որոնք առաջադրվել են ընդդիմադիր ցուցակներով, շուտով հրաժեշտ կտան իրենց պաշտոններին։

Հունիսի 23–ին հայտնի դարձավ, որ Լոռու մարզպետ Արամ Խաչատրյանն ընտրություններից հետո իր մոտ է կանչել Օձուն համայնքի ղեկավար Արսեն Տիտանյանին և պահանջել հրաժարականի դիմում գրել։ Տեղեկությունը ՀՀ ՄԻՊ Արման Թաթոյանին հայտնել էր «Հայաստան» դաշինքի շտաբի ղեկավար Արմեն Գևորգյանը։

Ըստ Արմեն Գևորգյանի` Օձուն համայնքի ղեկավարը հրաժարվել է կատարել Լոռու մարզպետի պահանջը, որից հետո պահանջը չկատարելու համար մարզպետարանի շենքում, 7-8 մարդու ներկայությամբ, նրան ծեծի են ենթարկել:

Համայնքապետներին սպառնում են, ծեծում․ «Հայաստան» դաշինքն ահազանգում է

Լոռու մարզպետարանում Օձունի համայնքապետ Արսեն Տիտանյանին ծեծի ենթարկելու դեպքի առթիվ ՀՀ Լոռու մարզի դատախազությունում հարուցվել է քրեական գործ։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала