Ջերմաստիճանը ռեկորդներ է խփում. հայտնի կարդիովիրաբույժն ասել է` ինչպես հաղթահարել շոգը

© Sputnik / Aram NersesyanЗаведующий отделением сердечно-сосудистой хирургии медцентра "Астхик", кардиохирург Мгер Сусани
Заведующий отделением сердечно-сосудистой хирургии медцентра Астхик, кардиохирург Мгер Сусани - Sputnik Արմենիա, 1920, 26.06.2021
Բաժանորդագրվեք
Yandex newsTelegram
Հայաստանում սրտի իշեմիկ հիվանդությունից տառապում է տղամարդկանց մոտ 10 տոկոսը, կանայք՝ էլ ավելի շատ։ Բարձր ջերմային ֆոնը կարող է մի շարք բարդությունների պատճառ դառնալ։ Հայտնի բժիշկ Մհեր Սուսանին մի քանի կարևոր խորհորդ է տվել։

ԵՐԵՎԱՆ, 26 հունիսի – Sputnik. Հունիսի համար ռեկորդային շոգը կարող է բացասաբար անդրադառնալ հատկապես սրտի խնդիր ունեցողների առողջական վիճակի վրա։ Բարդությունների ռիսկը նվազեցնելու համար հարկավոր է մի շարք կանոնների հետևել։

Ո՞ր դեպքում թոքերի ռենտգեն հետազոտություն անցկացնել, որ դեպքում` համակարգչային շերտագրում - Sputnik Արմենիա, 1920, 16.04.2021
Ինչպես խուսափել ճառագայթումից և որ դեպքում ինչ հետազոտություն անցնել. խորհուրդներ բժշկից

«Աստղիկ» բժշկական կենտրոնի սիրտ-անոթային վիրաբուժության բաժանմունքի վարիչ, կարդիովիրաբույժ Մհեր Սուսանին Sputnik Արմենիայի թղթակցի հետ զրույցում նշեց, որ ինքնազգացողության վատթարացման առաջին իսկ նշանների դեպքում պետք է անհապաղ դիմել բժշկի:

Նույնիսկ առաջին հայացքից անլուրջ ախտանիշների հետևում կարող է ինչ-որ գործընթաց թաքնված լինել, որն ավելի հեշտ է կանխել սկզբում:

Ավելի վաղ հայտնի էր դարձել, որ Հայաստանում բարձր ջերմային ֆոն է հաստատվելու՝ պայմանավորված արաբական անապատներից տաք օդային հոսանքների ներթափանցմամբ։

Սննդաբանը խոսել է շոգ եղանակին տաք թեյ խմելու օգտակարության ու վնասի մասին

Հիդրոօդերևութաբանության և մոնիթորինգի կենտրոնը տեղեկացրել էր որ Արարատյան դաշտում, Արագածոտնի և Վայոց Ձորի մարզերում, ինչպես նաև Երևանում կարձանագրվի հայկական օդերևութաբանության պատմության մեջ ամենաբարձր ցուցանիշը: Եղանակն այսպիսին կլինի մինչև հունիսի վերջ:

«Կարևոր է պահպանել կանոնները, հետևել առողջապահության նախարարության ցուցումներին։ Հատկապես խուսափել ժամը 13:00-16:00-ը փողոցում գտնվելուց»,-ասաց Սուսանին:

Կարդիովիրաբույժը նշեց նաև, որ ի հեճուկս տարածված կարծիքի՝ սրտանոթային հիվանդությունները չեն «երիտասարդացել», պարզապես մարդիկ սկսել են ավելի հաճախ դիմել հետազոտվելու համար, բարձրացել է ախտորոշման մակարդակը:

Асмик Абовян - Sputnik Արմենիա, 1920, 23.06.2021
ՌԱԴԻՈ
Ինչպես օրգանիզմը պաշտպանել ամառային շոգից. խորհուրդ է տալիս մասնագետը

Ինչպես պարզաբանեց բժիշկը, Հայաստանում սրտանոթային համակարգի ամենատարածված հիվանդությունը սրտի իշեմիկ հիվանդությունն է։ Երկրորդ տեղում են սրտի փականի աշխատանքի հետ կապված հիվանդությունները

Կարդիովիրաբույժը նշեց, որ սրտի իշեմիկ հիվանդության պատճառ են դառնում սխալ կենսակերպը, ծխելը, գենետիկ նախահակվածությունը, յուղոտ սննդի օգտագործումը, շաքարային դիաբետը, ֆիզիկական ակտիվության բացակայությունը։

Սուսանին ընդգծել է, որ Հայաստանում մինչև 50 տարեկան տղամարդկանց մոտ 10 տոկոսը սրտի իշեմիկ հիվանդություն ունի, կանանց մոտ այդ ցուցանիշն ավելի բարձր է: Միայն իրենց բժշկական կենտրոնում Սուսանիի ղեկավարությամբ այդ տարիքային խմբի հիվանդների շրջանում տարեկան մոտ 100 վիրահատություն է կատարվում։

Ի՞նչ է պետք անել +41 աստիճան շոգից չտուժելու համար. ԱԱՏՄ-ն դիմել է հորդորով

Նշենք, որ Հայաստանում մահվան դեպքերի ավելի քան 50 տոկոսը բաժին է ընկնում սրտանոթային հիվանդությունների հետևանքով առաջացած բարդություններին։ Զարկերակային հիպերտենզիա ախտորոշվել է երկրի 18 տարեկանից բարձր բնակչության 42%-ի մոտ։

Ավելի վաղ առողջապահության և աշխատանքի տեսչական մարմինը հուշագիր էր հրապարակել՝ հիշեցնելով մի շարք կանոնների մասին, որոնք ցանկալի է պահպանել բարձր ջերմային ֆոնի պարագայում: Մասնավորապես, քաղաքացիներին կոչ են անում ժամը 11:00-ից մինչև 17:00-ը խուսափել արևի ուղիղ ճառագայթներից, ավելի հաճախ լվանալ ձեռքերը և կրել բամբակյա կամ այլ «շնչող» գործվածքներից կարված հագուստ:

Լրահոս
0