Фон для радио  - Sputnik Արմենիա, 1920
ՌԱԴԻՈ

Գործ կա՞. Մակարյանն ասում է` ՀՀ–ում զբաղվածության հետ կապված վիճակը շահեկանորեն փոխվել է

© Sputnik / Aram NersesyanПредседатель Республиканского союза работодателей Гагик Макарян в гостях у радио Sputnik
Председатель Республиканского союза работодателей Гагик Макарян в гостях у радио Sputnik - Sputnik Արմենիա, 1920, 26.06.2021
Հայաստանի գործատուների հանրապետական միության նախագահ Գագիկ Մակարյանը Sputnik Արմենիայի եթերում անդրադարձել է ՀՀ ՊԵԿ նախագահի ներկայացրած տեղեկատվությանը, որն առնչվում է 0-ից բարձր եկամուտ ունեցող աշխատատեղերի քանակին։ 
Մակարյան. Հայաստանում զբաղվածության հետ կապված իրավիճակն այժմ շահեկանորեն փոխվել է

Գագիկ Մակարյանի դիտարկմամբ`զբաղվածության հետ կապված իրավիճակն այժմ շահեկանորեն փոխվել է։ Դա նկատելի է հատկապես շինարարության և որոշ ոլորտների ակտիվ զարգացման շնորհիվ, այսինքն` առկա է լուրջ գեներացիա, օրինակ` շինարարության ոլորտը ցույց է տվել նաև տնտեսական զգալի առաջընթաց, որտեղ կա պահանջարկ և եկամտահարկի վերադարձելիությունը հիփոթեքի ձևով նույնպես նպաստել է զարգացմանը, ինչն իր հերթին ապահովել է ներդրումներ շինարարության ոլորտում։   

«Ռուսաստանի մեր որոշ հայրենակիցներ պատրաստակամություն են հայտնել ՀՀ–ում մեծ նախագծեր իրականացնել հենց շինարարության ոլորտում, որտեղ առկա է բարձր վարձատրություն։ Բավականին լայն ասպարեզ է բացվել նաև վերամշակման արդյունաբերությամբ զբաղվող ընկերությունների համար։ Նախկինում էլ եղել են ՊԵԿ նախագահի հնչեցրած ցուցանիշին մոտ թվեր։ Այսօր ունենք ընկերություններ, որտեղ կա աշխատուժի լուրջ դեֆիցիտ, որն անհրաժեշտ է լրացնել։ Այսինքն` կա պահանջարկ, բայց մասնագետները քիչ են»,– նշեց Հայաստանի գործատուների հանրապետական միության նախագահը։ 

Մակարյանի կարծիքով` շինարարության գեներացիան իր հետ ստեղծում է ամբողջ ճյուղի զարգացում, առավել ևս, որ Հայաստանը շինանյութերի առումով ինքնաբավ երկիր է։ Ըստ նրա` արդյունաբերությունն ընդհանուր առմամբ նույնպես զարգացել է, որովհետև արդյունաբերական ապրանքների պահանջարկն ավելացել է արտահանման շնորհիվ (հիմնականում դեպի Ռուսաստան)։    

Կադրեր ընտրելու ընդունված ձևերը չեն բացահայտում անձին. հոգեբանն ասում` ինչպես ճիշտ կողմնորոշվել - Sputnik Արմենիա, 1920, 17.06.2021
Մասնագիտությունների մոտ 1/3–ը վերանալու է. ինչպես պատրաստել ապագայի մասնագետներ

Տնտեսագետը մատնանշեց նաև գյուղատնտեսության ու զբոսաշրջության ոլորտները, որոնք նույնպես որոշակի զարգացում են արձանագրել։ 

Հիշեցնենք, որ ՀՀ կառավարության հունիսի 24-ի նիստում ՊԵԿ նախագահ Էդվարդ Հովհաննիսյանը հայտնեց, որ  մայիս ամսվա տվյալներով` հայտարարագրված 0-ից բարձր եկամուտ ունեցող աշխատատեղերի քանակը կազմել է 635 հազար։ 

Վարպապետի պաշտոնակատար Նիկոլ Փաշինյանն իր հերթին կանխատեսեց, որ սեպտեմբերին այդ թիվն ավելի շատ կլինի:

Նա նաև հավաստիացրեց, որ միջին աշխատավարձը 2018 թվականի համեմատ աճել է 35 714 դրամով կամ  20,2%-ով:

Երևանը հաջորդ տարի էլ կրկես չի ունենա. շինարարության ավարտը դարձյալ հետաձգվեց

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала