Ինչպես էին կամավորներն օգնում զինվորներին. պատմում են Արամոն և Հրաչյա Բադալյանը

Երգիչ Արամոն և Անուշավան Տեր–Ղևոնդյանի անվան երաժշտական դպրոցի տնօրեն, «Բարեկամություն» պարային համույթի նախկին մենակատարար Հրաչյա Բադալյանն ացախյան 44 օրյա պատերազմի ժամանակ կամավորագրվել էին սահմանամերձ դիրքեր ու հենակետեր օգնություն տեղափոխելու գործին։ 

«Հակահարված» հաղորդման շրջանակում նրանք հավաստեցին, որ այդ կարևոր առաքելության մեջ իրենց մեծապես օգնել է լեգենդար Կոմանդոսը` գեներալ–մայոր Արկադի Տեր–Թադևոսյանը, որովհետև զինվորների համար նախատեսված օգնությունը հավաքագրվում էր նաև նրա ղեկավարած հաստատությունում`ՊՆ Պաշտպանա–մարզատեխնիկական ընկերությունում` նախկին ԴՈՍԱԱՖ-ում։ 

Подбитая в ходе Карабахской войны военная техника у города Шуши (1995 год) - Sputnik Արմենիա, 1920, 09.05.2021
Այս ամենը ցավոտ է. հիշում են Շուշին ազատագրած կամավորները

«Մենք կամավորագրվեցինք, որովհետև պահն իսկապես օրհասական էր, անհրաժեշտ էր ինչ–որ բանով օգտակար լինել մեր բանակին։ Որոշ տղաների հետ, որոնք մասնակցել էին դեռ 2016 թվականի ապրիլյան պատերազմին, ծանոթացել էի «Կյանք ու կռիվ» ֆիլմի նկարահանումների ժամանակ։ Նրանցից ոմանք զոհվեցին պատերազմում։ Իմ խորին համոզմամբ` պետք է հերոսի կոչում տալ մեր ամբողջ ազգին։ Փառք ու պատիվ նաև Արկադի Տեր–Թադևոսյանին, որը կարողացավ շատ արագ կազմակերպել հավաքագրված օգնությունը դիրքեր ուղարկելու կարևոր գործը։ Շատ լավ կլիներ, եթե նրա ռազմական գիտելիքներն ու փորձն օգտագործվեին արցախյան 44-օրա պատերազմում»,– ասաց երգիչ Արամոն։ 

Ֆրանսիացի կամավորները ՀՀ-ում օգնում են տուժած արցախցի ընտանիքներին. ինչպե՞ս է դա արվում

Հրաչյա Բադալյանն իր հերթին նույնպես կարևորեց կամավորականների առաքելությունը, թշնամու դեմ միասնաբար պայքարելու անհրաժեշտությունը, դիրքերում կռվող տղաների հերոսությունն ու արիությունը` շեշտելով, որ սահմանը պահելու համար անհրաժեշտ է նախևառաջ գիտակցել հարազատ հողի ուժն ու արժեքը։

Նրա համոզմամբ` այսօր հասարակության ներսում առկա պառակտումը թուլացնում է մեզ և չի նպաստում հզորանալուն, մինչդեռ հայ ժողովուրդը տակավին կանգնած է մարտահրավերների առջև, ուստի բոլորը պետք է հասկանան, որ գտնվում են մի նավի մեջ, որ յուրաքանչյուրի ջանքերի ու բոլորի միասնականության շնորհիվ հնարավոր կլինի դուրս գալ ստեղծված իրավիճակից։

Իմ տեսած պատերազմը․ ինչպես հայ կամավորներն օդային հարձակման ենթարկվեցին Շուշիում

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала