ԿԸՀ-ն ամփոփեց ընտրությունների վերջնական արդյունքները. խորհրդարան անցած եռյակը չի փոխվել

© Sputnik / Asatur Yesayants / ЦИК Армении
ЦИК Армении - Sputnik Արմենիա, 1920, 27.06.2021
Բաժանորդագրվեք
НовостиTelegram
ԿԸՀ հրապարակած տվյալներով` ՀՀ–ում ընտրողների ընդհանուր թիվն է 2 595 512, լրացուցիչ ցուցակներում ընդգրկված ընտրողների թիվը` 1245, շրջիկ քվեատուփով քվեարկությանը մասնակցած ընտրողների թիվը` 2451։

ԵՐԵՎԱՆ, 27 հունիսի - Sputnik. ՀՀ կենտրոնական ընտրական հանձնաժողովն այսօր հրավիրած նիստում ամփոփեց հունիսի 20-ին կայացած ԱԺ արտահերթ ընտրությունների վերջնական արդյունքները։

Հաշվի առնելով վերահաշվարկված քվեներն ու այլ անճշտությունների արդյունքները` արձանագրվել է ընտրողների ձայների հետևյալ համամասնությունը․

  1. «Արդար Հայաստան» կուսակցություն 3914 կամ 0.3%
  2. «Հայ ազգային կոնգրես» կուսակցություն 19 691 կամ  1,54 %
  3.  «Քաղաքացիական պայմանագիր» կուսակցություն 658 761 կամ  53.91%
  4. «Զարթոնք» ազգային քրիստոնեական կուսակցություն 4619 կամ 0.36%
  5.  «Ազատություն» կուսակցություն 1844 կամ 0.14%
  6. «Պատիվ ունեմ» դաշինք  66 650 կամ 5.22%
  7.  «Միասնական հայրենիք» կուսակցություն  964 կամ 0.8%
  8.  «Համահայկական ազգային պետականություն» կուսակցություն 803 կամ 0.6%
  9.  «Լուսավոր Հայաստան» կուսակցություն 15 591 կամ 1.22%
  10.  «Մեր տունը Հայաստանն է» կուսակցություն 12 149 կամ 0.95 %
  11.  «Հանրապետություն» կուսակցություն 38 758 կամ 3.3%
  12.  «Հայոց հայրենիք» կուսակցություն 13 130 կամ 1.3 %
  13.  «Ազատ հայրենիք» դաշինք 4119 կամ 0.32%
  14.  «Բարգավաճ Հայաստան» կուսակցություն 50 444 կամ 3.95 %
  15.  Հայաստանի դեմոկրատական կուսակցություն  5 020 կամ 0.39%
  16.  «5165 ազգային պահպանողական շարժում» կուսակցություն 15 549 կամ 1.22%
  17. «Քաղաքացու որոշում» սոցիալ-դեմոկրատական կուսակցություն 3775 կամ 0.3%
  18.  Շիրինյան-Բաբաջանյան ժողովրդավարների դաշինք 19 212 կամ 1.5%
  19.  «Ազգային օրակարգ» կուսակցություն 719 կամ 0.6%
  20.  «Վերելք» կուսակցություն 1233 կամ 0.1%
  21. Ազատական կուսակցություն 14 936 կամ 1.17%
  22. Հայոց արծիվներ- չեն մասնակցել ընտրությանը
  23. Հայաստանի եվրոպական կուսակցություն 2 440 կամ 0.19%
  24.  «Հայաստան» դաշինք 269 481 կամ 21.09%
  25.  «Ազգային-ժողովրդավարական բևեռ» համահայկական կուսակցություն 18 976 կամ 1.49%
  26.  «Ինքնիշխան Հայաստան» կուսակցություն 3 915 կամ 0.31%

ԿԸՀ հրապարակած տվյալներով` ՀՀ–ում ընտրողների ընդհանուր թիվն է 2 595 512, լրացուցիչ ցուցակներում ընդգրկված ընտրողների թիվը` 1245, շրջիկ քվեատուփով քվեարկությանը մասնակցած ընտրողների թիվը` 2451, էլեկտրոնային եղանակով ընտրություններին մասնակցած ընտրողների թիվը` 500, քվեարկությանը մասնակցել  է 1 281 997 կամ ընտրողների 49.39 տոկոսը։

Пресс-конференция лидера Армянского национального Конгресса Левона Тер-Петросяна (10 июня 2021). Еревaн - Sputnik Արմենիա, 1920, 25.06.2021
Լուրջ նահանջ՝ 2018 թ-ի համեմատ. ՀԱԿ-ը վերլուծել է ընտրությունները

Անվավեր է ճանաչվել 4593 քվեաթերթիկ։

Անճշտությունների չափը կազմել  է 973։

Հիշեցնենք` արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։

Ըստ օրենքի` եթե անցողիկ շեմը հաղթահարում են միայն երկու քաղաքական ուժ, ապա մանդատներ է ստանում նաև առավելագույն թվով ձայներ հավաքած երրորդ ուժը։

Այսպիսով` 8–րդ գումարման ՀՀ ԱԺ–ում ներկայացված կլինեն «Քաղաքացիական պայմանագիր» կուսակցությունը, «Հայաստան» և «Պատիվ ունեմ» դաշինքները։

Ո՞ր դեպքում «Պատիվ ունեմ»-ը կհրաժարվի բողոքարկել ընտրությունների արդյունքները

Լրահոս
0