Հնարավոր է՝ անգամ պատվաստված զբոսաշրջիկները Վրաստանում ՊՇՌ թեստ հանձնեն

© AP Photo / Shakh AivazovГруппа туристов из России в центре Тбилиси (22 июня 2019). Грузия
Группа туристов из России в центре Тбилиси (22 июня 2019). Грузия - Sputnik Արմենիա, 1920, 28.06.2021
Բաժանորդագրվեք
Վրաստանի առողջապահության նախարարի խոսքով` արդեն արձանագրվել են դեպքեր, երբ ոմանք երկիր են այցելել ՊՇՌ կեղծ թեստով կամ կեղծ Covid-անձնագրով:

ԵՐԵՎԱՆ, 28 հունիսի - Sputnik. Վրաստան մուտք գործելիս անգամ պատվաստված զբոսաշրջիկներին կարող են պարտավորեցնել ՊՇՌ թեստ հանձնել։ Ինչպես տեղեկացնում է Sputnik Գրուզիան, ճեպազրույցի ժամանակ այդ մասին հայտարարել է Վրաստանի առողջապահության նախարար Եկատերինա Տիկարաձեն:

Поезд Ереван-Батуми - Sputnik Արմենիա, 1920, 17.06.2021
Երևանից Բաթում մեկնած ուղևորներից 2-ին իջեցրել են գնացքից. ՀԿԵ–ն կրկին զգուշացնում է

Առողջապահության նախարարի խոսքով՝ ՊՇՌ թեստը կարող է պարտադիր դառնալ անգամ պատվաստանյութի երկու դեղաչափ ստացած զբոսաշրջիկների համար։

Նրա խոսքով՝ այս որոշման պատճառ կարող է դառնալ այն, որ արդեն արձանագրվել են կեղծ ՊՇՌ թեստով կամ կեղծ Covid-անձնագրերով երկիր մուտք գործելու դեպքեր։

«Կարևոր է, որ զբոսաշրջիկները թեստավորում անցնեն Վրաստանի տարածքում, այդ դեպքում մենք ավելի շատ երաշխիքներ կունենանք, որ գործ չունենք կեղծ փաստաթղթերի հետ: Մենք կարծում ենք, որ այդպիսով զբոսաշրջիկների տեղաշարժը ավելի անվտանգ կլինի մեր քաղաքացիների համար», – հայտարարել է Տիկարաձեն։

Նշենք, որ հունիսի 1-ից Վրաստանի ցամաքային սահմանները բացվել են օտարերկրյա այցելուների համար։

Վրաստանում Հայաստանի դեսպանությունն ավելի վաղ հայտնել էր, որ Վրաստան հնարավոր կլինի մուտք գործել վերջին 72 ժամվա ընթացքում արված ՊՇՌ թեստի բացասական պատասխանի առկայության դեպքում, պատվաստման ամբողջ կուրսն անցնելու (երկու դեղաչափ) և միաժամանակ ՊՇՌ թեստի բացասական պատասխանի առկայության դեպքում։

Վրաստանը բացել է ցամաքային սահմանները. ինչ պետք է իմանալ ճանապարհ ընկնելուց առաջ

Միայն ՊՇՌ թեստով Վրաստան մեկնող քաղաքացիները պարտավոր են երկիր մուտք գործելուց հետո 72 ժամվա ընթացքում ևս մեկ թեստ հանձնել, իսկ պատվաստման ամբողջ կուրսն անցած քաղաքացիները ժամանելուց հետո թեստ հանձնելու անհրաժեշտություն չունեն։

Հունիսի 1-ից ինչպես և ինչքան գումարով կարելի է ՀՀ–ից Վրաստան հասնել. սահմանի հատման կարգը

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала