Գագիկ Ծառուկյանին «շաքարակալած» սուտ են մատուցել. Զոհրաբյանը` ԲՀԿ-ի անհաջողության մասին

© Sputnik / Aram NersesyanГагик Царукян прибыл на судебное заседание (17 июня 2020). Еревaн
Гагик Царукян прибыл на судебное заседание (17 июня 2020). Еревaн - Sputnik Արմենիա, 1920, 29.06.2021
Բաժանորդագրվեք
Նաիրա Զոհրաբյանը բացատրեց, թե ինչու «Բարգավաճ Հայաստան» կուսակցությունը բավարար ձայներ չհավաքեց ԱԺ արտահերթ ընտրություններում:

ԵՐԵՎԱՆ, 29 հունիսի – Sputnik. «Բարգավաճ Հայաստան» կուսակցության առաջնորդ Գագիկ Ծառուկյանին համոզել են, որ կուսակցությունն ԱԺ արտահերթ ընտրությունների արդյունքում կհավաքի ընտրողների ձայների շուրջ 27 տոկոսը: Լրագրողների հետ ասուլիսում նման հայտարարություն արեց ԲՀԿ խմբակցության պատգամավոր Նաիրա Զոհրաբյանը։

«Կանխատեսելի էր, որ ԲՀԿ-ն չէր անցնելու խորհրդարան, չէի կարծում, որ նվազագույն շեմը չէր անցնի, բայց հիմա ուզում եմ ասել, որ գիտեմ, թե ովքեր էին սոցհարցումներ անում ու այն պարոն Ծառուկյանին ներկայացնում այնպես, թե 27 տոկոս է հավաքելու: Գագիկ Ծառուկյանին մատուցել են կոմֆորտ սուտը և ինձ նույնպես ասում էին, որ ես էլ ասեի այն հաճելի սուտը, որը պարոն Ծառուկյանն ուզում է լսել, և ես մեր վերջին խոսակցության ժամանակ էլ ասացի, որ ես չեմ ասելու սուտ, ես ասել եմ ճշմարտությունը»,-ասաց Զոհրաբյանը։

Նա շեշտեց, որ խմբակցության մեջ եղել են մարդիկ, որոնք ԲՀԿ ղեկավարին «շաքարակալած» սուտ են մատուցել:

Զոհրաբյանը, խոսելով ԲՀԿ-ից դուրս գալու և արտահերթ ընտրություններին խմբակցության թիմում չլինելու մասին, հայտարարեց, որ իր և Գևորգ Պետրոսյանի դեմ հստակ աշխատում էին։

Первый президент Армении Левон Тер-Петросян уезжает после голосования на внеочередных парламентских выборов в Армении (20 июня 2021). Еревaн - Sputnik Արմենիա, 1920, 28.06.2021
Ինչո՞ւ ՀԱԿ-ը ընտրությունների հարցով չի դիմում Սահմանադրական դատարան

«Ես շնորհակալ եմ Գագիկ Ծառուկյանին, որ ինձ քաղաքական ասպարեզ բերեց և հնարավորություն տվեց, որ կայանամ որպես քաղաքական գործիչ, բայց, այո, խմբակցությունում եղել են մարդիկ, որոնք հստակ աշխատել են իմ և Գևորգ Պետրոսյանի դեմ, նրանք ամենակեղտոտ ստերով կեղծ նյութեր էին գրում Facebook-ում և պարոն Ծառուկյանի մոտ այն ներկայացնում էին որպես հասարակության կարծիք»,–ասաց նա:

«Ովքեր մեզ ձայն են տվել, չեն սխալվել»․ Գագիկ Ծառուկյան

Հիշեցնենք` մայիսի 20-ին հայտնի դարձավ, որ ԲՀԿ-ական պատգամավոր Նաիրա Զոհրաբյանը վայր է դրել կուսակցության գլխավոր քարտուղարի լիազորությունները: Իսկ ԱԺ պատգամավոր Գևորգ Պետրոսյանը որոշել էր ԲՀԿ խմբակցությունից դուրս գալ դեռ 2021 թվականի փետրվարին։

Հայաստանում հունիսի 20-ին ԱԺ արտահերթ ընտրություններ անցկացվեցին, որոնց մասնակցեցին 25 քաղաքական ուժ` 21 կուսակցություն և 4 դաշինք։ Ձայների վերջնահաշվարկի արդյունքում խորհրդարան անցան «Քաղաքացիական պայմանագիր» կուսակցությունը, «Հայաստան» և «Պատիվ ունեմ» դաշինքները։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала