Գործուղման համար փող են ստացել, բայց աշխատանքի են եղել. խախտումներ` դատական դեպարտամենտում

© Photo : official site of the President of RAՀՀ քննչական կոմիտե
ՀՀ քննչական կոմիտե - Sputnik Արմենիա, 1920, 29.06.2021
Բաժանորդագրվեք
Գործուղման ծախսերի հատուցման համար ստացել են 41 934 000 դրամ գումար:

ԵՐԵՎԱՆ, 29 հունիսի – Sputnik. Դատական դեպարտամենտում կատարված առերևույթ չարաշահումների դեպքերի առթիվ քրեական գործ է հարուցվել. տեղեկությունը հայտնում է քննչական կոմիտեն։

Բացահայտ վրաերթի կադրեր - Sputnik Արմենիա, 1920, 15.06.2021
Ինչպես է Փաշինյանին ուղեկցող ավտոշարասյունը խախտում ճանապարհային երթևեկության կանոնները

Նշվում է, որ պետական վերահսկողական ծառայության ղեկավարի հանձնարարագրերով` դատական դեպարտամենտում իրականացված ուսումնասիրությունների արդյունքում պարզվել է, որ 2016-2018թթ. դատական դեպարտամենտի ղեկավարի հրամաններով 9 աշխատակիցներ իբրև թե գործուղվել են տարբեր մարզեր:

Գործուղման ծախսերի հատուցման համար ներկայացնելով տարբեր տնտեսվարող սուբյեկտների կողմից տրամադրված գիշերակացը հավաստող փաստաթղթեր՝ նրանք ստացել են 41 934 000 դրամ գումար:

«Պարզվել է, որ մի շարք դեպքերում համապատասխան աշխատակիցները գործուղման օրերի ժամանակահատվածում գտնվել են աշխատանքի վայրում։ Բացի այդ, նրանք հյուրանոցային ծառայությունների ծախսերի փոխհատուցման համար ներկայացրել են այնպիսի տնտեսվարողների կողմից տրամադրված փաստաթղթեր, որոնք, ըստ ՊԵԿ տվյալների, չեն մատուցել այդ ծառայությունները կամ չեն ունեցել համապատասխան քանակության հյուրանոցային համարներ»,–նշված է հաղորդագրության մեջ։

Ռոբերտ Քոչարյանի և Արմեն Գևորգյանի կարգավիճակի հարցը հայտնի չէ. դատական նիստն ընդմիջվեց

Հարուցվել է քրգործ քրեական օրենսգրքի 178-րդ հոդվածի 3-րդ մասի 1-ին կետով (խարդախությունը), 325-րդ հոդվածի 1-ին մասով (փաստաթղթեր, դրոշմներ, կնիքներ, ձևաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը), 314-րդ հոդվածի 1-ին մասով (պաշտոնեական կեղծիքը) և 308-րդ հոդվածի 2-րդ մասով (պաշտոնեական լիազորությունները չարաշահելը)։

Նշենք, որ 2014-18թթ. ՀՀ դատական դեպարտամենտի ղեկավարը եղել է գործող ղեկավարը` Կարեն Փոլադյանը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала