ԵՐԵՎԱՆ, 30 հունիսի – Sputnik. Այսօր և առաջիկա օրերին` մինչև հուլիսի 4-ը, Հայաստանի առանձին շրջաններում կեսօրից հետո սպասվում է կարճատև անձրև և ամպրոպ։ Տեղեկությունը հայտնում է ՀՀ արտակարգ իրավիճակների նախարարությունը` նշելով, որ ամպրոպի ժամանակ քամու ուժգնությունը կարող է հասնել 15-20մ/վրկ–ի։
«Օդի ջերմաստիճանը հունիսի 30-ի ցերեկն աստիճանաբար կնվազի 2-3 աստիճանով, այնուհետև նույնքան կբարձրանա»,– տեղեկացնում է գերատեսչությունը։
Ըստ օդերևութաբանների` մինչև հուլիսի 4-ը Արարատյան դաշտում և նախալեռներում, Վայոց Ձորի նախալեռներում, Սյունիքի հովտային գոտում և Երևանում սպասվում է բարձր կարգի հրդեհավտանգ իրավիճակ:
Երեկոյան ժամերին կարճատև անձրև և ամպրոպ կգրանցվի նաև Երևանում։ Այսօր մայրաքաղաքում ցերեկային ժամերին օդի ջերմաստիճանը կտատանվի +34-ից +36-ի սահմանում, իսկ գիշերը կնվազի մինչև +19-ից +21։
Ջրի սով` հարուստ պաշարներով երկրում. ի՞նչ կլինի, եթե ադրբեջանցիները փոխեն Թարթառի հունը
