ԵՐԵՎԱՆ, 2 հուլիսի - Sputnik. Ոստիկանությունը պարզել է մայրաքաղաքում ավազակային հարձակում կատարած անձի ինքնությունը։
Ինչպես հայտնում են ոստիկանության լրատվական ծառայությունից՝ հունիսի 28-ին, ժամը 11.30-ին, մի ընկերության Անդրանիկի փողոցի մասնաճյուղի աշխատակցից ոստիկանության Մալաթիայի բաժին ահազանգ էր ստացվել, որ «զենքը պահել, գումար են տարել»: Պարզվել էր, որ ժամը 11-ի սահմաններում անհայտ անձը ատրճանակի նմանվող առարկայի սպառնալիքով մասնաճյուղի պահոցից հափշտակել էր փող և դիմել փախուստի:
Բացատրական աշխատանքի արդյունքում 39-ամյա տղամարդը հուլիսի 1-ին ներկայացել է ոստիկանության Մալաթիայի բաժին, որտեղից ներկայացվել է վարույթն իրականացնող մարմնին: 39-ամյա տղամարդը ձերբակալված է:
Ձեռնարկվում են միջոցառումներ՝ գողոնը և հանցագործության գործիքը հայտնաբերելու ուղղությամբ:
Հավելենք, որ նախնական տվյալներով՝ կազմակերպությունից հափշտակվել էր 2.730.990 ՀՀ դրամ։
Սպանություն Եղվարդում. մարդասպանն ինքն է զանգահարել ոստիկանություն
