Фон для радио  - Sputnik Արմենիա, 1920
ՌԱԴԻՈ

Զոհրաբյանը ԵԽԽՎ-ում միացել է ռուս գործընկերների նախաձեռնությանը. ինչ նպատակ ունի այդ քայլը

© Sputnik / Aram NersesyanНаира Зограбян в гостях радио Sputnik
Наира Зограбян в гостях радио Sputnik - Sputnik Արմենիա, 1920, 02.07.2021
Բաժանորդագրվեք
Նաիրա Զոհրաբյանը Sputnik Արմենիայի եթերում ասել է, թե ինչու է որոշել ԵԽԽՎ-ում աջակցել ռուս գործընկերների նախաձեռնությանը, որը ուղղված է Ուկրաինայի ազգային փոքրամասնությունների նկատմամբ ճնշումների դեմ։
Ազգային փոքրամասնությունները չպետք է ապրեն որպես «իզգոյներ». Զոհրաբյանը միացել է ԵԽԽՎ-ում ռուս գործընկերների նախաձեռնությանը

ՀՀ ԱԺ 7-րդ գումարման պատգամավոր Նաիրա Զոհրաբյանը միացել է Ուկրաինայում ազգային փոքրամասնությունների նկատմամբ ճնշումների դեմ ԵԽԽՎ-ում ռուս գործընկերների ներկայացրած նախագծին։ Տեղեկությունը Sputnik Արմենիայի հետ զրույցում հայտնեց ինքը` Զոհրաբյանը։

«Ես գտնում եմ, որ յուրաքանչյուր երկրում ազգային փոքրամասնությունները պետք է ունենան լիիրավ իրավունք իրենց ինքնությունը, իրենց լեզուն պահպանելու, նաև հանրային հեռուստատեսությամբ իրենց լեզվով հաղորդումներ ունենալու»,- ասաց նա։

Один из классов школы N25 города Гюмри - Sputnik Արմենիա, 1920, 26.05.2021
Հնարավոր է` Հայաստանում նոր դպրոցներ բացվեն ազգային փոքրամասնությունների համար

Զոհրաբյանի խոսքով` իր մասնակցությունն այս նախաձեռնությանը չի կարող բացասաբար անդրադառնալ Ուկրաինայում հայ համայնքի վրա։ Ասում է` բոլոր ազգային փոքրամասնություններն իրենց բնակության վայրերում պետք է ունենան լիարժեք իրավունքներ լիարժեք քաղաքացի համարվելու համար։

«Եթե մի օր էլ մենք դիմենք մեր գործընկերներին, օրինակ` Թուրքիայում կամ որևէ այլ երկրում հայ համայնքի հանդեպ իրականացվող ճնշումների և այլ խնդիրների հարցով, մենք պետք է իրավունք ունենանք ակնկալելու նաև նրանց աջակցությունը։ Ի վերջո, ազգային փոքրամասնություններն իրենց բնակության վայրերում չպետք է ապրեն որպես «իզգոյներ»»,- նշեց Զոհրաբյանը։

Վենետիկի հանձնաժողովը ևս բավականին կոշտ էր արձագանքել Ուկրաինայում ռուսաց լեզվի և ազգային փոքրամասնությունների մյուս իրավունքները սահմանափակող նախագծին։

Հայաստանում ազգային փոքրամասնությունները երբեք խտրականության չեն ենթարկվել. Սանդիկով

Նշենք, որ Հայաստանից ԵԽԽՎ ամառային նստաշրջանին հայկական պատվիրակության կազմում ԵԽԽՎ էին մեկնել նաև  Հովհաննես Իգիթյանը,  Տաթևիկ Հայրապետյանը և Սոս Ավետիսյանը, որոնք, ի դեպ, չեն միացել նախաձեռնությանը։

Ավելի վաղ Պետդումայի փոխնախագահ Պյոտր Տոլստոյը հայտարարել էր, որ ԵԽԽՎ-ում Ռուսաստանի պատվիրակությունը բողոքել է հուլիսի 1-ին Ուկրաինայի Գերագույն ռադայի կողմից ազգային փոքրամասնությունների մասին օրենքի ընդունման դեմ:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала