Թբիլիսիում փորձել են պայթեցնել ԼԳԲՏ համայնքին պաշտպանող ՀԿ–ի գրասենյակը

© REUTERS / IRAKLI GEDENIDZEПротестующие против ЛГБТ во время митинга перед запланированным Маршем достоинства (5 июля 2021). Тбилиси
Протестующие против ЛГБТ во время митинга перед запланированным Маршем достоинства (5 июля 2021). Тбилиси - Sputnik Արմենիա, 1920, 05.07.2021
Պայթուցիկ սարքը նետել են գրասենյակի բակ, որտեղ այդ պահին հավաքված են եղել մի քանի հասարակական կազմակերպությունների ներկայացուցիչներ և լրագրողներ։

ԵՐԵՎԱՆ, 5 հուլիսի – Sputnik. Թբիլիսիում ԼԳԲՏ հակառակորդները պայթուցիկ սարք են նետել սեռական փոքրամասնություններին աջակցող հասարակական կազմակերպության գրասենյակ: Տեղեկությունը հայտնում է ՌԻԱ Նովոստին` հղում անելով «Պիրվելի» հեռուստաալիքին։

Столкновения на акции противников ЛГБТ в столице Грузии - Sputnik Արմենիա, 1920, 02.07.2021
Վրաստանի մայրաքաղաքում ԼԳԲՏ միջոցառման ժամանակ բախումներ են տեղի ունեցել. տեսանյութ

Անհայտ անձինք պայթուցիկը նետել են գրասենյակի բակ, որտեղ այդ պահին հավաքված են եղել մի քանի հասարակական կազմակերպությունների ներկայացուցիչներ, որոնց թվում նաև՝ սեռական փոքրամասնուոյւնների իրավունքների պաշտպանությամբ զբաղվող «Tbilisi Pride» ընկերության անդամները և լրագրողներ։

Պայթյունի հետևանքով մի երիտասարդ աղջիկ վնասված է ստացել որովայնի շրջանում։ Նրան բուժօգնություն են ցույց տվել շտապօգնության բժիշկները։

Վրացական «Ֆորմուլա» հեռուստաալիքն էլ հայտնում է, որ ԼԳԲՏ համայնքի հակառակորդները Թբիլիսիի Խետագուրովի փողոցում մի օտարերկրացու են դանակահարել են այն բանի համար, որ նա ականջօղ է կրել։ Վիրավոր տղամարդը տեղափոխվել է հիվանդանոց, դանակահարողը ձերբակալվել է։

Հիշեցնենք` այսօր երեկոյան Թբիլիսիում ԼԳԲՏ համայնքը պետք է «Հանուն համերաշխության» կարգախոսով «Արժանապատվության երթ» անցկացներ, որը, սակայն, չեղյալ հայտարարվեց:

Վրաստանի վարչապետ Իրակլի Ղարիբաշվիլին երթի անցկացումն «աննպատակահարմար» էր համարել` շեշտելով, որ բնակչության մեծամասնության համար այդ ակցիան անընդունելի է: «Ես կարծում եմ, որ այս ակցիան չպետք է տեղի ունենա Ռուսթավելի պողոտայում», - ասել էր Ղարիբաշվիլին` միաժամանակ ԼԳԲՏ համայնքի հակառակորդներին կոչ անելով հնարավորինս պահպանել օրենքը և զսպել իրենց:

Սեռական փոքրամասնությունների հակառակորդները, սակայն, Թբիլիսիում փակել էին Ռուսթավելի պողոտան ու ընդդեմ ԼԳԲՏ–ի ակցիա անցկացրել` ամբողջ օրվա ընթացքում հետապնդելով ԼԳԲՏ համայնքի ներկայացուցիչներին և նրանց պաշտպաններին ՝ բռնություն գործադրելով «անցանկալիների» ու նաև լրագրողների նկատմամբ:

Թուրքիայում ԼԳԲՏ շքերթի մասնակիցների նկատմամբ ֆիզիկական ուժ է կիրառվել. տեսանյութ

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала