Չգիտեմ` ինչ ենթադրություններով կեղծ լուրեր տարածվեցին. նախարարը` «AstraZeneka»-ի մասին

© Sputnik / Asatur YesayantsИ.о. министра здравоохранения Анаит Аванесян (10 июня 2021). Еревaн
И.о. министра здравоохранения Анаит Аванесян (10 июня 2021). Еревaн - Sputnik Արմենիա, 1920, 08.07.2021
Բաժանորդագրվեք
ՀՀ առողջապահության նախարարի պաշտոնակատար Անահիտ Ավանեսյանը պարզաբանել է, թե ինչու Հայաստանում պատվաստված «AstraZeneka»-ի հավաստագիրը որոշ դեպքերում արտերկրում չի ընդունվում։

ԵՐԵՎԱՆ, 8 հուլիսի – Sputnik. Լուրերը, թե Հայաստանում պատվաստված «AstraZeneka»-ի հավաստագիրը ԵՄ որոշ երկրների կողմից չի ընդունվում, իրականությանը չեն համապատասխանում։ Այս մասին այսօր կառավարության նիստից հետո լրագրողների հետ ճեպազրույցում ասաց ՀՀ առողջապահության նախարարի պաշտոնակատար Անահիտ Ավանեսյանը։

«Չգիտեմ` ինչ ենթադրություններից ելնելով այսպիսի կեղծ լուրեր տարածվեցին, թե կա ինչ–որ «AstraZeneka», որն ընդունելի է, կա ինչ–որ մեկը, որն ընդունելի չէ։ Ես խնդրում եմ նման ապատեղեկատվություն չտարածել։ Հայաստանում օգտագործվում է «AstraZeneka» ընկերության արտադրանքը, որն ընդունելի է ԵՄ երկրների համար։ Մեր երկրում այժմ օգտագործվում է ԵՄ տարածքում արտադրված «AstraZeneka»»,– ասաց Ավանեսյանը։

Ինչ վերաբերում է սերտիֆիկատների հետ կապված խնդիրներին, Ավանեսյանը հայտնեց, որ աշխարհի երկրների միջև այս պահին ընթանում է միմյանց հավելվածների փոխճանաչման գործընթացը։

Ситуация в аэропорту Звартноц с депортированными из России гражданами (3 февраля 2021). Еревaн - Sputnik Արմենիա, 1920, 03.03.2021
Հույս ունենք, որ «Ճամփորդիր առանց COVID-19-ի» հավելվածի աշխատանքը շուտով կհարթվի. Սինանյան

Բոլոր երկրների ցանկը, որոնք արդեն ճանաչել են Հայաստանի հավելվածը, Ավանեսյանի խոսքով, կարելի է ստանալ ՀՀ ԱԳՆ–ում։

Հիշեցնենք` երեկ` հուլիսի 7–ին, լրագրող Մարկ Գրիգորյանն ահազանգել էր, որ Հայաստանում «AstraZeneka»–ով պատվաստվելուց հետո փորձել է դրա QR կոդով Նորվեգիա գնալ, սակայն պարզվել է, որ Եվրոպան չի ընդունում այդ կոդը։ Գրիգորյանը Facebook–ի իր էջում այս մասին գրառում էր արել` հավելելով, որ դրանից հետո երբ փորձել է հասկանալ, թե որն է պատճառը, պատկան մարմինները մեկը մյուսի մոտ են ուղարկել իրեն։

Ի պատասխան առողջապահության նախարարությունը հայտարարություն տարածեց` ասելով, որ մեր երկրում առկա «AstraZeneka» պատվաստանյութը ճանաչված է ԵՄ-ի կողմից, ներկայում ընթանում է նաև պատվաստման հավաստագրերի փոխճանաչումը, որի դեպքում ԵՄ երկրները կճանաչեն ՀՀ-ում տրվող պատվաստման սերտիֆիկատները, իսկ մենք` ԵՄ երկրներինը։

«Պատրաստել ենք կանաչ անձնագրերի պլատֆորմը». Փաշինյանը նշել է ճամփորդելու պարտադիր պայմանը

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала