Չեն կարողանում զսպել էմոցիաները. Դավիթ Հարությունյանը` Սերժ Սարգսյանի հայհոյանքի մասին

© Photo : Facebook / ՀՀ 3-րդ նախագահի գրասենյակ / Office of 3rd President of RAСерж Саргсян и Артур Ванецян во время церемонии подписания меморандума предвыборного блока "Честь имеем" (16 мая 2021). Еревaн
Серж Саргсян и Артур Ванецян во время церемонии подписания меморандума предвыборного блока Честь имеем (16 мая 2021). Еревaн - Sputnik Արմենիա, 1920, 11.07.2021
Բադասյանը Սահմանադրական դատարանից ճշտեց` կարո՞ղ է ինքն արդյոք դատարանում կրկնել Սերժ Սարգսյանի ելույթում հնչած հայհոյանքը։ Դատարանը թույլ չտվեց, արդարադատության նախարարն էլ հարցը տվեց առանց ուղղակի մեջբերման։

ԵՐԵՎԱՆ, 11 հուլիսի – Sputnik. Հունիսի 20-ի արտահերթ խորհրդարանական ընտրությունների քարոզարշավում կիրառված բառապաշարն անթույլատրելի է, բայց որոշ մարդիկ արդեն չեն կարողանում զսպել  իրենց էմոցիաները, երբ իշխանական ուժից անընդհատ հնչում է հայհոյող, նվաստացնող, ահաբեկող խոսքերի տարափ։

Женская тюрьма - Sputnik Արմենիա, 1920, 11.07.2021
Ինչո՞ւ է ՔԿՀ–ներում ընդդիմությունն ավելի շատ ձայն հավաքել. «Պատիվ ունեմ»–ի վարկածը

Այս մասին այսօր ՍԴ-ում հայտարարեց «Պատիվ ունեմ» դաշինքի ներկայացուցիչ, արդարադատության նախկին նախարար Դավիթ Հարությունյանը` պատասխանելով քարոզչության ընթացքում ՀՀ երրորդ նախագահ Սերժ Սարգսյանի կողմից հնչեցված հայհոյանքների մասին ՀՀ արդարադատության նախարար, ՔՊ ներկայացուցիչ Ռուստամ Բադասյանի հարցին։

«Չեմ կարծում, որ դա ճիշտ մոտեցում է ու կարծում եմ, որ առաջինը իշխանությունը պետք է քայլեր ձեռնարկեր, որ նման իրավիճակ Հայաստանում չլիներ։ Նորից եմ կրկնում, որ դա ցավալի երևույթ է ու ՀՀ–ում մենք պետք է քայլեր ձեռնարկենք, որ երբևէ մեր քաղաքական բառապաշարը չդառնա բառապաշար, որը բնորոշ չէ քաղաքակիրթ երկրին»,– ասաց Հարությունյանը։

Նշենք, որ Բադասյանը հարցը տալուց առաջ Սահմանադրական դատարանից ճշտեց` կարո՞ղ է արդյոք ինքը դատարանում կրկնել Սերժ Սարգսյանի ելույթում հնչած հայհոյանքը։ Դատարանը թույլ չտվեց, արդարադատության նախարարն էլ  հարցը տվեց առանց ուղղակի մեջբերման։

Վստահ եմ` ՍԴ-ն կընտրի երկրորդ ճանապարհը. Դավիթ Հարությունյանը դատարանին 2 ուղի առաջարկեց

Հիշեցնենք, որ ընտրությունների արդյունքներն անվավեր ճանաչելու «Հայաստան» դաշինքի, «Զարթոնք» ազգային քրիստոնեական կուսակցության, «Հայոց Հայրենիք» կուսակցության և «Պատիվ ունեմ» կուսակցությունների դաշինքի դիմումներով գործերը ՍԴ-ում  միավորել են ու քննում են նույն նիստում։

ՍԴ-ից հայտնել էին, որ միավորման համար հաշվի է առնվել, որ ՀՀ Կենտրոնական ընտրական հանձնաժողովի 2021 թվականի հունիսի 27-ի` «Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրությունների արդյունքներն ամփոփելու մասին» թիվ 184-Ա որոշման հետ կապված վեճի վերաբերյալ» գործերը վերաբերում են նույն հարցին։ Այս գործով դատաքննությունը սկսվել է հուլիսի 9-ից։

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала